«كمال» معلقا على مناوشات حمو بيكا: الناس بتيجي في الهايفة وتتصدر

 علق الإعلامي أسامة كمال، على المناوشات التي حدثت بين المطرب الشعبي حمو بيكا صاحب أغنية "رب الكون"، والمطرب الشعبي مجدي شطة، وتداول الجمهور فيديوهات لهما تحمل تراشقًا.

وقال "كمال": "فجأة في مصر 2018 بقى حمو بيكا، ومجدي شطة، تريند على السوشيال ميديا، الموضوع زي كل موضوع بدأ بنكتة في فيديو الناس بتبعته لبعض عن حمو بيكا، اللي مش رايح حفلة مجدي شطة، اللي بيروج أن بيكا رايح عشان الفانز بتوعه".

وأضاف أسامة كمال، خلال برنامجه "مساء DMC"، اليوم، قائلا: "الفيس بوك شبه الغرف المنعزلة وكل واحد بيشوف معارفه الا اللي بيدور بالهاشتاج ويحاول يعرف، طب فانز حمو بيكا عايزين إيه ومشكلة مجدي شطة إيه.. ناس كتير هتسأل، معقول أسامة كمال بيبتدي برنامجه بموضوع زي دة؟ ليه كدة يا عم؟".

وتابع: "الحقيقة الموضوع ماهواش الموضوع، ما بين ناس اشتغلت نقاد وناس اشتغلت نقاد للنقاد ودارت الدايرة يوم، اتنين، تلاتة والناس تهدا ويبقى حمو بيكا ويبقى مجدي شطة في عالم واقعي والعالم الافتراضي يدور على حاجة تانية يهتم بيها بعد ما خلص بيكا".

وأوضح "كمال": "حديث البلد.. الناس، كل الناس، ومش في بلدنا بس، في الدنيا كلها تحب النميمة وحديث النميمة، تحب تيجي في الهايفة وتتصدر".