أسامة كمال: محتاجين تنظيم الأمم الأفريقية لسماع هتاف الجماهير «تحيا مصر»

ناشد الإعلامي أسامة كمال، ملايين المصريين بالتفاعل معه، لدعم تنظيم مصر لبطولة الامم الافريقية في العام المقبل، بعد سحبها من الكاميرون وأعتذار المغرب، وللرجوع لايام زمان عصر الانتصارات والفوز بالامم الافريقية، بحضور الجماهير المصرية العاشقة لكرة القدم”.

وقال كمال عبر برنامجه ” مساء dmc”، اليوم الخميس، "إننا نرجع نشوف الخمسين ألف والميت ألف مصرى جنب بعض بيهتفوا تحيا مصر، مش نشوفهم خمسينات وميات ع القهاوى بيشدوا مع بعض، ولو مفيش شد يبقى ماتش ليفربول وهما بيتفرجوا على محمد صلاح".

 وتابع " محتاجين الجماهير تانى فى المدرجات بدون ما الأمن يبقى قاعد على اعصابه، والجماهير هي كمان محتاجة تبقى فى المدرجات، وتخرجنا من النفق المظلم اللى دخلناه من بعد بطولة 2010 ولسه مش شايفين نقطة نور فى آخره، محتاجين أمم أفريقيا 2019، عشان نرجع الناس اللى عندها هدف جماهيرى تحققه الجماهير مع بعض، الأهلوية والزمالكاوية وجماهير المصرى والإسماعيلى والاتحاد وغيرهم”. وتسائل كمال ” هل لة تم قبول طلب مصر، هل هيتم إلغاء الدوري العام وللا هيتم استكمالها بعد البطولة اللي المفروض تكون في يونيو؟".