في ذكرى وفاتها.. مديحة كامل: «الفن سيدي.. وقلبي مافهوش غيره»

جمال من طراز فريد، وزكاء يسانده دعهاء، بهذه الصفات الخلابة عاشت الفنانة مديحة كامل، التي تحل اليوم ذكرى وفاتها، على مدار حياتها الفنية، وضعت كل عناصرها بدقة شديدة حتى تصل إلى القمة.

وصفت مديحة كامل كل مقومات التقدم في الفن في لقاء تلفزيوني قديم لها، الوصول يحتاج لمقومات كثيرة منها الموهبة الفذة والجمال والثقافة، وأهم شيء أن يكون لديك ذكاء شديد للغاية.

قالت مديحة، أهم حاجة الذكاء ويكون ذكاء شديد عشان الواحد يوصل بطريقة يحترم بيها نفسه مدى العمر ميندمش على حاجة عملها عشان يوصل بيها أيًا كان الندم مش هحدد أيه هو، ولكن عشان يكون احترامك بينك وبين نفسك واحترام الناس ليك».

وكان هدف مديحة كامل الوحيد دائمًا القمة، تعمل جاهدةً من أجل الوصول إليها والبقاء على عرشها، متسلحة بالذكاء كي تبقى في الأعلى «أول حاجة هعملها عشان احتفظ بالقمة اللي هوصلها قريب إن شاء الله، أن احتفظ بذكائي».

وأضافت: «عشان احتفظ بذكائي لازم أبعد قلبي أنه يدق كتير، بسبب الحب».

كانت الفنانة الراحلة، ترى أن الحب يباعد بينها وبين الوصول للقمة،«حب الشخص لمجاله هو الشيء الوحيد اللي بيخليه ذكي جدًا، على عكس الحب العاطفي بيمنع أي نجاح».

وأوضحت: «أنا شخص حساس وعاطفي جدًا فلما بكون في حالة حب، كل ذكائي وكل تفكيري، وكل خبرتي وكل حاجة فيا، بتمشي كلها في مجال واحد بس وهو الحب والإنسان اللي أنا بحبه».

كانت النتيجة أنها باعت العاطفة من أجل حب الفن، فقالت: «أنا مقدرش أخدم سيدين، وأنا بعتبر الفن سيدي، فقلبي مفيش فيه غير حب الفن وبس، حتى لو الحب بينجح، فهو بينجح في حالة الإنسان المتزن لكن أنا متطرفة جدًا».