أمل منصور للشباب والفتيات: «قبل ما ترتبطوا ادرسوا الموضوع»

قالت الإعلامية الدكتورة أمل منصور، خبيرة التنمية البشرية بمقدمة برنامج "ساعة أمل"، على شاشة قناة "الحدث اليوم": "إننا منذ بداية البرنامج ونخاطب المشاهدين بلسان حال البرنامج واللي بنسميها في العموم فضفضة، واخترنا البيت والأسرة المصرية بكل أفرادها الأب والأم والأولاد، اخترنا همومهم ومشاكلهم لأن الهدف الرئيسي من الإعلام هو إلقاء الضوء علي المشاكل وإيجاد حلول ليها ودا اللي بنحاول نعمله في برنامجنا".

وأضافت "منصور": "البيوت للأسف بقت عبارة عن حيطان وأجساد بس مفيش روح، مبقيناش نتلم علي سفرة واحدة أو طبلية واحدة زي ما جدودنا كنا بيقعدوا، ومبقاش في لغة تواصل بين الأب وأولاده والأم خلاص مبقتش صاحبة وسر بنتها بقينا بعاد قوي عن بعض".

وأوضحت: "الزوج بقي كل همه الشغل وأكل العيش وازاي يعمل فلوس علشان يقدر يعيش مش علشان بس يأمن مستقبل الأسرة والأولاد، والأم بقا كل همها شغل البيت وشغلها الخاص وتيجي علي الليل تكون خلاص أرهقت فتنام والزوج طبيعي بيرجع تعبان فبينام".

وتابعت "منصور": "دائما تأتي النيران من مستصغر الشرر، ولو الأمر فيه حاجة غلط بيتقلب كله لغلط في غلط وممكن يؤدي لكوارث وجرائم شنيعه وفظيعة ولينا في قصة الأم اللي قتلت أولادها بمدينة المرج في أول شهر مارس الحالي، عبرة وعظة والشاهد من القصة البشعة دي إن العلاقة بين أي شخصين لازم يكون فيها مبدأ التكافؤ ثقافيا واجتماعيا وتكافؤ في السن".

واختتمت: "مش بنقول إنك تحب أو ترتبط بشخص أكبر منك دا عيب ولا حرام بس الأول ادرس الموضوع بكل جوانبه بالشكل الصحيح وحكم عقلك أكتر من قلبك وللحديث عن الحالة أو الظاهرة دي الخاصة بالإرتباط بين أشخاص مختلفين في الأعمار وكل النتائج السلبية كانت أو الإيجابية عنها".