«أمهات مصر»: طوارئ بالبيوت استعداداً لامتحانات الثانوية العامة .. ومفيش عيد

قالت عبير أحمد مؤسس اتحاد أمهات مصر للنهوض بالتعليم، إن أولياء أمور طلاب الثانوية العامة قرروا رفع حالة الطوارئ داخل المنازل خلال أيام عيد الفطر المبارك والاستمرار في المراجعة والمذاكرة منذ اليوم الأول لعيد الفطر، وذلك استعدادا لبدء امتحانات الثانوية العامة السبت المقبل الموافق 8 يونيو الجاري.

وأضافت "أحمد"، في تصريحات صحفية، هناك حالة من القلق والتوتر بين الطلاب وأولياء أمورهم مع قرب الامتحانات، ما أدى إلي عدم الاستمتاع بعيد الفطر أو الخروج للتنزه خلال إجازة العيد سواء مع الأسرة أو الأصدقاء، مطالبة أولياء الأمور بتهيئة المناخ والجو المناسب داخل الأسرة للقضاء علي التوتر والقلق الذي يشعرون به أبنائهم بسبب الامتحانات، وكذلك توفير جميع وسائل الراحة لهم وتلبية احتياجاتهم.

وأعرب العديد من أولياء أمور طلاب الثانوية العامة عبر صفحة اتحاد أمهات مصر للنهوض بالتعليم بـ"فيس بوك"، عن قلقلهم وتوتر أبنائهم من الامتحانات، حيث قالت ولي أمر: "أنا بنتي أعصابها تعبانة وقلقنا جداً وهي بتراجع عربي ودين وربنا معاها هي واللي زيها ويحقق كل امنياتها.. بنراجع المنهج وعندها مراجعة ثاني يوم العيد و ثالث يوم العيد مع المستر"، وأضافت أخرى: "النهارده مراجعة دين ومن بكره بإذن الله عربي وإنجليزي، ومفيش عيد من بكره ان شاء الله لغاية الجمعة الجاية إنجليزي وعربي".

وتابعت ولي أمر أخرى: " المدرس هيجلنا البيت من أول يوم العيد لغاية الامتحان مراجعة"، واستكملت أخرى: "العيد كله مذاكرة.. الحمد لله عيدنا يوم النجاح بمجموع كويس ويارب التوفيق للجميع ويفرح قلب امهات مصر بعيالها ويجبر بخاطرهم".

وأضافت أخرى: "يا دوب هنصلي العيد ونرابط في البيت وربنا ينجح اولادنا ويفرحنا بيهم، وأنا قولت لإبني سيب مذاكرة خالص اول يوم العيد وافصل من المذاكرة حتي المدرسين قالوا كده، ومن تاني يوم العيد هنشوف ربنا يعمل الخير ليهم يارب".

وقالت أخرى: "لسه طالعين من حرب أختها بتاعة أولى ثانوي، قررنا ناخد هدنة واستراحة أول يوم العيد، مبقاش فينا نفس بصراحة".

واختتمت أحد أولياء الأمور: "للأسف مفيش عيد، في توتر وقلق ومذاكرة، ربنا يكرم جميع الطلبة ويجبر بخاطرهم وما يضيعش تعبهم إن شاء الله".