الرئيس السيسي: «الأشرار المخربين لن ينالوا من عزيمة المصريين»

قال الرئيس عبد الفتاح السيسي، خلال كلمته بافتتاح مجمع الأسمدة الفوسفاتية والمركبة بالعين السخنة، «الأشرار المخربين المدمرين، لن ينالوا من عزيمة المصريين، وأن محاولاتهم ستبوء بالفشل، ورغم أنهم يحاولون أن يهدموا الوطن، إلا أنهم في النهاية لن يتمكنوا»، متابعًا:« مش علشان إحنا جامدين، ولكن لأن ربنا ميرضاش بكده، وربنا خلق الإنسان لعمارة الأرض مش للإفساد ولا للهدم».

وأضاف الرئيس السيسي قائلًا:«شوفوا يا مصريين وبصوا على الدنيا حولين مننا، هل فيه دين يقام كده؟ هل فيه إصلاح يقام بالهدم؟، قلت الكلام ده كتير بس التصدى ليه مش الدولة بس، احنا كمجتمع لازم نفهم أولادنا ونوعيهم وننصحهم ضد الفكر ده، مافيش دول هتطلع لقدام بالهدم ولكن بالانضباط والخلق والتعليم والجهد والصبر والبناء لكن مش بالقتل ولا التخريب».

علمًا أن مجمع الأسمدة الفوسفاتية والمركبة بالعين السخنة يعد من أكبر المشروعات القومية فى مجال الأسمدة الفوسفاتية فى الشرق الأوسط، ويضم 9 مصانع لإنتاج الأسمدة بطاقة إنتاجية نحو مليون طن سنويا بتكلفة 12 مليار جنيه، التابع لشركة النصر للكيماويات الوسيطة.