عمرو محمود ياسين يرد على اتهامات سرقته لسيناريوهات أعماله

أعرب الفنان والسيناريست عمرو محمود ياسين، عن انزعاجه بالشائعات التي يطلقها البعض عليه بخصوص سيناريوهات أعماله الفنية، والإدعاء بأنه لم يكتب مسلسلاته بذاته.

ورد "ياسين"، على هذه الشائعات قائلا في تصريحات له: "إيه المانع إني أنا تحديدا أكون اللي بكتب؟ مش متعلم مثلا؟؟ عندي تأخر عقلي؟ و ليه اللي بيكتب لي مش بيقول إنه لا ده مش عمرو اللي بيكتب ده أنا اللي بكتب وياخد أجري و ياخد الجوايز".

وتابع عمرو ياسين: "عارف إيه اللي قاهر البعض هو أنه إزاي أنا بكتب في كل الأنواع، ازاي بكتب في الرعب و الساسبنس والاجتماعي والرومانسي واللايت، بس أهي من عند ربنا و الله، الحمدلله اللي شاهدين على شغلي ناس كتير وعارفين إني الحمد لله بكتب شغلي بإيدي وبدماغي ومحدش له فضل عليا في ده غير ربنا، وأي حد بيطلع عليا الكلام ده ربنا يسامحه ويهديه ويلاقي حاجة يعملها بدل السواد اللي هو فيه والكلام ده هيكون دافع ليا باذن الله إني أعمل شغل أحسن وأحسن".

يذكر أن آخر أعمال عمرو محمود ياسين مسلسل"نصيبي وقسمتك3" المقرر عرضة بداية الشهر المقبل.