أحمد دويدار نجم الزمالك السابق يعلن اعتزاله

أعلن أحمد دويدار، مدافع الفريق الأول لكرة القدم بنادي الزمالك السابق، اعتزاله لعب كرة القدم.

وكتب أحمد دويدار، عبر صفحته الشخصية على موقع التواصل الاجتماعي "فيس بوك" :" الحمد لله علي كل شئ ومقتنع وعندي يقين إي محدش بياخد اكتر من نصيبه..بعلن إعتزالي كرة القدم 16سنة دوري ممتاز مريت بإصابة قوية جدًا بقطع كلي في وتر اكيلس أثرت علي مشواري والحمد لله خفيت منها ولعبت، ورجعت التهابات قوية تاني بنفس الرجل تمنعني من المشاركة بصفة مستمرة والحمد لله جت في سن كبير 35 سنة، قدرت قبلها احقق نجاحات كبييرة بشكر ربنا عليها".

وأضاف :"كان نفسي في المزيد لكن قدر الله ما شاء فعل كل الشكر والتقدير لكل شخص اتعاملت معاه في مجال كرة القدم سواء مجالس الادارات أو المدربين أو اللاعبين الرجالة المحترمة اللي اتعاملت معاهم جميعًا والأجهزة الطبية والإدارية واخواتي عمال غرف الملابس من بدايتي لحد الآن".

وتابع:" بشكر والدي مثلي الأعلى الله يرحمه اللي كان نفسي يشوف نجاحاتي ويشوفني وأنا بلعب وأمي اللي وقفت معايا في كل شي وسند ليا ولولاها مكنش ربنا كرمني بحب الناس وربنا يخليها ليا ويديها طول العمر، واخواتي البنات اللي بحبهم جدًا وأصحابي وعائلتي جميعًا وزوجتي الغالية التي كانت سر نجاحي في كل شئ، كانت معايا وقفه بجانبي طوال الوقت في الحزن قبل الفرح، وليها كل الحب والتقدير والاحترام وأيضًا بشكر أي شخص محترم كان بيتمني الخير ليا وكان ليا الشرف اني لعبت ومثلت منتخب مصر مع أجيال مختلفة ونادي اتحاد الشرطة ونادي الاسماعيلي دراويش مصر ونادي سموحة ونادي زد ونادي كاظمة الكويتي واخيرًا نادي الزمالك العريق اللي اتربيت فيه اللي ليه فضل كبيير بعد ربنا عليا وبشكر جمهور نادي الزمالك العظيم اللي واقف معايا وبيدعمني باستمرار وليهم كل التحية والتقدير شكرًا لكم جميعا المشوار لم ينتهي بعد الفترة القادمة بداية جديدة في مجال جديد وانطلاقة نحو النجاح ان شاء الله سواء في الاعلام أو التدريب أو الإدارة ربنا يوفقني في اختياري".