طارق الشناوي يشيد بموهبة علاء مرسي: «جواه ممثل قوي جدا»

أشاد الناقد الفني طارق الشناوي بموهبة الفنان علاء مرسي، خلال مداخلة هاتفية مع الإعلامية إنجي أنور في برنامج "مصر جديدة"، المذاع على قناة etc.

وقال "الشناوي": "لما شفنا علاء في البدايات، قولنا عليه من المضحكين الجدد، اللي هو الجيل اللي جه بعد عادل إمام، واللي بيضم أشرف عبد الباقى ومحمد هنيدي وعلاء ولي الدين، وتم حصره في الأدوار الكوميدية".

وأضاف الناقد الفني: "المخرجين بقوا بيستسهلوا، وبيختاروا علاء في الأدوار الكوميدية فقط، وهو استسلم لده".

وأشار إلى أن عدم سعي المخرجين لاكتشاف المواهب والقدرات الحقيقة للفنانين، واختيارهم في أدوار محددة تسبب في أزمة كبيرة لجيل كامل من الفنانين منهم عن علاء مرسي. وتابع حديثه: "عندنا مواهب كبيرة اختفت من الساحة الفنية، علشان مش لاقية اللي يرجعها تاني للشغل، زي الفنانة محسنة توفيق". وأردف: "شايف أن الفترة اللي جاية هيستفاد منها علاء جدا، لأن بقى في منصات جديدة هتفتح قدامه أبواب شغل، لأنهم بيفكروا إزاي استفيد من الممثل بشكل جديد وبطريقة مختلفة".

واستطرد: "في أدوار شفتها لعلاء، تخلتنى أشوف أن جواه ممثل قوى جدا"، مضيفا: "الممثل الجامد اللي جوا علاء مرسي لسه مطلعش بنسبة 100%". وأكد الناقد الفني على إعجابه بأراء علاء مرسي، قائلا: "مبسوط من كلامك وأراءك، لأنها خارج الصندوق، بالرغم من اختلافي مع بعضها".