محتاج صلاح الدين
رضا أبو الغيط -
مين اللى قال إننا
ع الفرح متواعدين
واحنا اللى طول عُمرنا
من جهلنا بايعين
نور ابتهاج القمر
للعتمة والزنازين
مين اللى قال الحجر
هيعيد تاريخ حطين
وللا فروع الشجر
هتقول لنا دول مين
وأحنا اللى هِنا الوطن
ونسينا أصل الدين
ملعون ياسيف انكسر
من خشبة الملاعين
ملعون يا وضع انحدر
خلانا شيلنا الطين
وإن كان لى صوت ينسمع
ف احنا البشر خاينين
خونا اللى سال دمعهم
م القلب قبل العين
خونا اللى سال دمهم
ف الصحرا والميادين
ونسينا أن الوطن
محتاج صلاح الدين