بالفيديو.. خالد الجندي لعمرو أديب: «لو منفسن مني نحل الموضوع بعشوة»

انتقد الشيخ خالد الجندي، عضو المجلس الأعلى للشؤون الإسلامية، الإعلامي عمرو أديب، بسبب هجوم الأخير على الجندي بشأن  تصريحاته عن العلاقة الجنسية في الجنة، موضحاً أن عمرو أديب هاجمه قبل ذالك بسبب تصريحاته ورأيه في مسألة النقاب، قائلًا: «امبارح الإعلامي عمرو أديب بيتكلم مع الدكتور سعد الهلالي عن تنظيم الأسرة، وفجأة قال الشيوخ عندنا بيتكلموا عن الجنس في الجنة، طيب يا عمرو أنا ذنبى إيه، ان انت لسه صاحي النهاردة تتكلم في الموضوع ده انا صدعت الناس في برنامجي هنا بالموضوع ده، يا عمرو احنا بصفتنا قرع زي بعض بطل وبلاش النفسنة».

وأضاف الجندي، خلال برنامج «لعلهم يفقهون» المذاع عبر فضائية «dmc»، اليوم الأربعاء، أن كلامه عن الجنس في الجنة، كشف مستغلي النساء والناظرين للمرأة على أنها وعاء للشهوة، لافتًا إلى أن هذا الكلام كشف الدواعش الموجودين في المؤسسات الإعلامية والدينية، الذين يعتبرون أن المرأة هي المكافأة التي يحصل عليها من يفجر نفسه.

وتابع الجندي: «يا عمرو كل واحد يقدر ينصح الناس ويعمل شغله.. شوف أنت شغلك وانا اشوف شغلي، وكفاية نفسنة، أنا مش فاهم انت منفسن مني ليه بيظهر في عينك، عندك نفسنة مني ليه، احنا الاتنين في خندق واحد، وفي قعدة عشا بيننا تصفي كل ده».