محمد علي يشتري سيارة ميسي.. شوف كتب عليها إيه
اشترى الفنان محمد علي، سيارة النجم الأرجنتينى ليونيل ميسي لاعب كرة القدم الشهير في نادي برشلونة الإسباني.
ونشر "علي"، عبر صفحته الشخصية بموقع التواصل الاجتماعي "فيسبوك"، صورة لسيارة نجم كرة القدم العالمية مع صاحب معرض السيارات.
وكتب قائلا: "الحمدلله والفضل لله إيمانا بأن ربنا بيكرم اللى نيته خير للناس وبيحبهم، موقف كوميدى حصل معايا أنا أصلًا لما ربنا كرمنى أنا مدمن عربيّات، زي ناس كتير حبيت أغير البورش مع إنها عربية رائعة لكن انا مش بعرف ليه بحب نوع الفيراري، مع إنه كان زمان آخري أشوفهم صور وألعب بيهم جيم، ولكن ده كرم ربنا".
وأضاف: " شوفت فى معرض عربية فيراري Ferrari California T عجبتني جدًا، وقررت أبيع العربية البورش عند صاحب أحد المعارض في مدينة برشلونة الإسبانية، لقيت صاحب المعرض بيقولى دى عربية النجم الشهير ميسى لاعب كرة القدم في نادى برشلونة وهو أحد عملائي وعايز يبيعها، قلت له" شرف لي أركب عربية لاعب عالمي وأشتريتها".
وأشار محمد علي إلى أنه طلب من صاحب المعرض " قولتله عايز أضيف عليها حاجات روحت لواحد وده اللى بيوضب عربيّات المشاهير وطلبت منه إن العربية تاخد روح الفراعنة عشان تبان ان دي عربية الفرعون المصري في برشلونة بعتز بحضارتى وبفتخر بالفرعون المصري".
يذكر أن محمد علي، شارك في موسم رمضان الماضي، في بطولة مسلسل طايع مع عمرو يوسف والذي حقق نجاحًا كبيرًا.