بعد اعترافه بالتقصير.. دعاء فاروق تساند أحمد السعدني

علّقت الإعلامية دعاء فاروق على اعتراف الفنان أحمد السعدني بالتقصير تجاه طليقته وأم أولاده، أمل سليمان، التي رحلت عن عالمنا يوم الجمعة 9 أغسطس، داخل أحد المستشفيات.

كما انتقدت دعاء عبر حسابها الشخصى على موقع التواصل الاجتماعي «فيس بوك»، ما وصفته بـ«شماتة»، العديد من السيدات في أحمد السعدني، بسبب اعترافه بندمه على ما فعله تجاه أم أولاده.

وعلقت قائلة:« أحمد السعدني مش عامل بوست عشان الستات تشمت فيه على فكرة هو عامل بوست عشان عديمي المسؤولية يتعظوا من الحدث الجلل اللي هو مر بيه وهو بيعترف إنه غلطان وندمان».

وتابعت: «الستات بقى اللى بيعلقوا شمتانين وبيقولوا مش مسامحينك ومش مصدقينك وجو شماته كده مش فاهمة هي منها ليها بتثبت فيه ايه وعاوزة ايه؟؟ الراجل في مصيبة سودا وفي غم وفي غلب.. عياله اتلطموا يا عيني.. اللي أبوه بيموت اسمه يتيم واللي امه بتموت اسمه لطيم... مفيش أسوأ من اللي هو فيه».

وأضافت دعاء: «تعليقاتكم سخيفة وملهاش لازمة... فيا ريت تحتفظوا بالغل ده للناس اللي اذوكم.. مش للراجل المكلوم في وفاة أم ولاده».

وكانت أمل سليمان، طليقة أحمد السعدني، وأم أولاده ياسين وعبد الله، قد رحلت عن عالمنا الجمعة 9 أغسطس بعد تعرضها لسكتة قلبية داخل أحد المستشفيات، وشيعت أسرة الراحلة، جثمانها من مسجد سعاد كفافي، ظهر أمس السبت.