وائل عبدالوارث عن طرد مريض إيدز من مستشفى كفر الزيات: المخدرات السبب

علق الإعلامي وائل عبدالوارث، مقدم برنامج "كارت أحمر"، المذاع عبر فضائية "الحدث اليوم"، على طرد مريض إيدز من مستشفى كفر الزيات العام بمحافظة الغربية، قائلا: "إن المخدرات هي السبب وراء إصابة هذا الشاب بمرض الإيدز، وهي اللي وصلته للمرض ده، المخدرات بتدمر معظم الشباب اللي ممكن يقتلوا أي حد في سبيل الحصول على المخدرات"، مطالبا الحكومة بسرعة التصدي لتداول المخدرات بين الشباب.

وعقب "عبدالوارث": "لازم عشان نبني البلد يبقى عندنا شباب زي الورد من غير مخدرات، لازم نساعد الرئيس اللي بيشتغل بسرعة الصاروخ عشان البلد تنهض وتتقدم".

ووجه الإعلامي وائل عبدالوارث، خلال برنامجه "كارت أحمر"، رسالة للشباب مدمني المخدرات، قائلا: "عايز الناس تخاف تتعامل معاك عشان أنت مريض إيدز.. عايز أبوك وأمك يموتوا بحسرتهم بسببك لأن كل أب وكل أم عايزين يشوفوا ولادهم أحسن ناس.. الشباب دول هما مستقبل البلد وهما اللي هيغيروا المستقبل للأحسن.. الشباب بتشتغل 12 ساعة عشان تعرف تاكل وتعيش وتوفر احتياجات نفسها ومش فاضيين لأنهم بيحاربوا عشان ياكلوا عيش ويبقوا حاجة عشان يشرفوا أهاليهم ونفسهم وشباب تانية كل هدفهم المخدرات.. بجد حرام اللي بيحصل لشبابنا".

ودشن الإعلامي وائل عبدالوارث، حملة "لا للمخدرات"؛ من أجل حماية شباب مصر، مطالبا بمعاقبة مهربي المخدرات وكلا من يروجها بأشد العقاب حتى يكونوا عبرة لمن لا يعتبر، مشيرا إلى أن المخططات الصهيونية كل هدفهم شباب مصر الواعي، معقبا: "عايز تهد بلد هد شبابها.. مصر دي ولادة وهتتعمر لأننا عمالين نحارب الإرهاب ومروجي المخدرات.. إحنا معاك يا ريس من أجل الحفاظ على شباب مصر"، مطالبا الرئيس السيسي بتبني حملة "لا للمخدرات" لحماية شباب مصر لأن المخدرات تقضي على من يتناولها نهائيا وتدمر العقول.