كريم فهمي يعلق على مشكلة صلاح الأخيرة
علق الفنان كريم فهمي على الأزمة الأخيرة التي مر بها اللاعب الدولي محمد صلاح نجم ليفربول الانجليزي وهي عدم التصويت له في تصويت "ذا بيست" لاختياره بقائمة الأفضل في العالم.
وكتب فهمي عبر حسابه الشخصي على تويتر: "طبعا مش محتاج أقول إن الراجل ده من أنجح الناس اللي في مصر إن مكانش أنجحهم، كل الجدل اللي حصل في التصويت و فيه تقصير من الجانب المصري لو صح تبقي كارثه أننا منقفش معاه وسيبك بقي من فكرة حرية الرأي لأن كل لعيب بلده ساندته حتى لو مش هو الأفضل، أما بقى بخصوص الصحفي هاني دانيال لو زي ما سمعنا التفاصيل كده وطلعت حقيقه يبقى احنا في كارثه وغل وحقد و قرف".
وأضاف فهمي، "محمد صلاح لو كان في إيدي تصويت كنت اديتلك صوتي ميت مرة مش أنا بس ومعظم الشعب المصري إلا فيه مرضي نفسيين حوالينا مش حابيين النجاح وبيسيطر عليهم الحقد والغل".
وكان صلاح قد حصل على المركز الرابع في تصويت الأفضل على العالم لعام 2019، في اللقب الذي حسمه الارجنتيني ليونيل ميسي نجم برشلونة الإسباني.