رامز أمير يهنىء بطلة الغوص الحر مريم شعلان

أعرب الفنان الشاب رامز أمير عن سعادته بالإنجاز الذي حقتته بطلة الغوص الحر مريم شعلان أمس بعد وصولها لتحقيق عمق 59 متر تحت الماء.

وقال رامز أمير عبر حسابه بموقع"انستجرام":"اللى فى الصورة دى للأسف ناس كتير ميعرفوهاش، مريم اللى قدامكم دى رفعت علم مصر امبارح فى رياضة تصنف من اصعب و اخطر الرياضات فى العالم ( الغوص الحر )، و للى ميعرفش الرياضة دى، ببساطة هى بتكتم نفسها و بتنزل لأعماق فى البحر معظم الناس مش هيتخيلوا ان فى بنى أدم اصلا ممكن يوصلها بنفس واحد".

وتابع رامز أمير:"مريم نموذج مشرف و قدوة لأى حد مش بس البنات، و هقولكم ليه حالاً، مريم نزلت امبارح عمق ٥٩ متر بنفس واحد فى بطولة مصر للغوص الحر، و بالرقم ده مريم مبقتش بس بطلة مصر، بقت اعمق بنت على مستوى الدول العربية و قارة افريقيا، و المبهر فى الموضوع مش بس كل الانجازات دى، المبهر لما تعرفوا ان مريم عمرها ١٨ سنة بس و عملت كل ده، و معلومة كده على الماشى فى الاخر، مريم اصغر مدربة غوص حر فى العالم ".