إيناس عز الدين تهاجم محمد رمضان: «الخوذة مش هاتحميك من كورونا»
هاجمت المطربة إيناس عز الدين الفنان محمد رمضان بعد نشره صوره له وهو يرتدي خوذة ذهبية للوقاية من كورونا.
وكتبت إيناس عبر"فيس بوك":"أنت عارف ان اغلب جمهورك من الطبقة البسيطة اللي انت كنت بتمثلها في كل اعمالك و ان ده سبب نجوميتك انهم شافوك شبههم الولد الصعيدي او الريفي البسيط الغلبان اللي ملامحه شبه ملامح نسبة كبيرة من شعبنا وشبابنا".
وتابعت:"طب انت عارف ان الخوذة الذهب دي اللي انت متصور ومتفشخر بيها مش هتحميك من كورونا زي ما هي مش هتحميك من سخط الناس عليك بسبب افعالك و تصرفاتك وانك لو لبست كمامة عادية واتبرعت بتكفل عشر أسر بتمن الخوذة دي كانت الناس هتحترمك".
وأضافت إيناس :"طب انت عارف ان ربنا لما بيغضب على شخص مش بيسلط عليه حد وبيسلط عليه نفسه وعقله علشان يخليه يعمل اللي انت بتعمله دلوقتي ده واللي يوم بعد يوم بيفقدك شعبيتك و مخليك في حالة عدم اتزان نفسي وبتضبش وحرفياً دخلت في مرحلة من احتياج العلاج والتأهيل النفسي،
أنت عارف انك في كام شهر بس خسرت على الاقل نص شعبيتك متخيل لو استمريت في تصرفاتك دي هتخسر قد ايه".