مفيدة شيحة: 95% من الرجال عينيهم «زايغة»
قالت مايسة عبد الحميد، إحدى المطلقات، إن سبب انفصالها من زوجها هو شكها فيه الذى تحول إلى يقين بعدما اكتشفت أنه يعرف أخرى عليها و يتحدثا معا فى التليفون، و تأكدت عندما سمعت بنفسها المكالمة قائلة: "ابتديت أدور وراه لما لقيته متغير.. الست مش لوحدها مجنونة.. لازم بتشوف تصرفات معينة هى اللى بتخليها تدور ورا جوزها.. زى مثلا بيبعد عنى وهو بيتكلم فى التليفون حتى لو بيكلم ست.. إيه هيخليه يبعد مايتكلم قدامى".
وأضافت "عبدالحميد" خلال برنامج "الستات ميعرفوش يكدبوا" المذاع عبر فضائية "سي بي سي" ، الآن ، والذى تقدمه منى عبدالغنى و مفيدة شيحة، أن اكتشافها لهذا التغير و هذه السيدة الجديدة فى حياة زوجها، ليس هو السبب الوحيد فى الانفصال ولكن هناك أسباب أخرى حيث قالت: "أنا سمعت مكالمة بنفسى بالصدفة و لما عرف جه إتأسف و قفلنا الموضوع.. بعدها بكام شهر كرر ده تانى.. وكان بيحب فى التليفون و بيتكلم بصوت واطى"، متسائلة: "اشمعنى بتقوله للغريب و مش بتقوله لينا".
وأشارت إلى أن أفعال بعض الرجال تجبرك على عدم الشك فيهم على عكس آخرين، قائلة: "فيه راجل بشخصيته يجبرك متشكيش فيه و متفتيشيش وراه وواحد تانى لا.. وأهم حاجة الراجل يحترمنى وأنا معاه.. ومبيبصش على واحدة و أنا معاه.. ممكن يبص و أنا مش موجودة".
ولفتت الإعلامية مفيدة شيحة، إلى أن 95% فى المائة من الرجال أعينهم زائغة، قائلة: "95% من الرجالة عينهم زايغة و الـ 5% دورى عليهم بقى.. الراجل شايف أنه من حقه يروش و يعرف دى و يعرف دى و كأنه شىء عادى".
يأتي ذلك فى إطار حلقة تتحدث عن رأى الزوجات فى موضوع الثقة فى الأزواج هل هم مع أم ضد!.