سارة نخلة عن وقعه عمرو دياب: حسيت ان انا اللي اتضربت
علقت الإعلامية سارة نخلة اليوم على أزمة المطرب عمرو دياب التي أثارت جدل مواقع التواصل الاجتماعي في الساعات الأخيرة بسبب صفعه لأحد معجبيه في أحد الافراح حيث انتشرت أمس عدد فيديوهات على هذه الواقعة وسط انتقادات كبيرة من الجمهور .
وأعربت نخلة عبر برنامجها آخر اليوم والذي يذاع على شاشة قناة هي، عن حزنها الشديد على هذه الواقعة معلقة :"حسيت صراحة أن أنا اللي اضربت، اي حد بيتفرج على الفيديو هيتخض والغريبة انه كمل غنى عادي".
وأشادت بعدم ظهور عمرو دياب إعلاميا مضيفة:"في حاجة حلوة تحسب لعمرو دياب لو رجعنا عشرين سنة لورا مش هنلاقيه بيظهر في أي لقاء ليه لانه يمكن يكون عارف أنه مبيعرفش يتكلم في المقابلات أو يتكلم بطريقة تلقائية فيتفهم غلط، لكن لو حضرتك واخد قرار انك متتطلعش في لقاءات برضوا لو انت مش قد انك تمسك نفسك وتتحكم بردود أفعالك متروحش تعمل حفلات وأفراح تتقاضى عليها ملايين الملايين".
ووجهت نصيحة للجمهور قائلة :" الناس لما تيجي تتصور مع النجم ، النجم ده انسان طبيعي هو مش نبي على فكره ، ده انسان طبيعي زيه زي اي حد مع احترامي لجميع النجوم ولكن ليه بتكبروا الموضوع ، الولد ده نفسه صعب عليا جدًا، زمان من تلاتين أربعين سنة كان النجم بيعمل توقيع لكن دلوقتي النجوم بقوا متاحيين زي الاستاذ عمرو دياب ، لكن دلوقتي ليه بتعملوا مجهود كبير علشان تتصورا مع نجم وان انتوا تتذلوا ، صورتك لما تنزل مع نجم على انستجرام ولا فيسبوك ولا هتزودك ولا هتعليك ولا انك تكون ذو قيمة كبيرة".
واختتمت حديثها بمطالبة عمرو دياب باعتذار قائلة :" علشان يرجع يكسب حب وثقة الجمهور اللي بيحبه اللي عمله لازم يكون في اعتذار رسمي وياريت يحصل ده قريب جدًا علشان في مثل جميل بيقول متتخانقش معايا في حارة وتصالحني في مغارة".
https://m.facebook.com/story.php?story_fbid=pfbid0qRvjP4hQQ9UnrDegMzcdaBDMAEzGcKphDhkqjvXkQBbTUn4zpSasUos1GAcYST4Ll&id=100088136066592&sfnsn=scwspwa&mibextid=RUbZ1f