السيسي: «لو عرفتوا مرتبات الجيش والشرطة هتستغربوا جدا»

قال الرئيس عبد الفتاح السيسي، إنه يتشرف اليوم بوجوده بين أسر الشهداء من الجيش والشرطة، مؤكدا أن ما نقدمه لأسر الشهداء لا يساوي تضحياتهم من أجل الوطن، وكل التضحية والتقدير لروح أي شهيد سقط على أرض مصر.

وأضاف "السيسي" خلال كلمته بالندوة التثقيفية للقوات المسلحة، اليوم الأحد، والمذاعة عبر فضائية "دي إم سي"، حماية وحفظ البلاد ليس بالكلام فقط، متابعا:" لما بسأل أسر الشهداء مش محتاجين حاجة بيقولوا لأ، أصل هيعوزوا إيه بعد ما فقدوا أزواجهم وأبنائهم.. مفيش حاجة ادهالهم".

وتابع "المرتبات اللي بياخدها الضباط بالجيش والشرطة متواضعة جدًا.. لو قلتلكم الأرقام هتستغربوا، وطول عمر الجيش والشرطة ومحدش أبدًا طلب زيادة وقال احنا بنقدم أرواحنا وسايبين ولادنا وممكن نسيبهم على طول".