أكد الدكتور صلاح حسب الله المتحدث باسم مجلس النواب، أن الرئيس عبد الفتاح السيسي بعث بمجموعة من الرسائل العاجلة لجميع مؤسسات الدولة وللشعب المصرى لاستعادة الحقوق والأراضى المنهوبة وذلك خلال افتتاحه لعدد من المشروعات القومية الكبرى ومنها مشروع ال 1300 صوبة زراعة بقاعدة محمد نجيب العسكرية مطالبا الجميع ان يعى هذه الرسائل ويعمل على تنفيذها.

 وأشاد حسب الله  فى تصريحات للمحررين البرلمانين،  السبت، بتأكيد الرئيس عبد الفتاح السيسى، أن المشروعات القومية التى تنفذها الدولة المصرية، تهدف بالأساس إلى بناء القدرة للدولة المصرية وأن مشروع الـ100 ألف صوبة زراعية تكفى 20 مليون مصرى، وأن هذه المشروعات تهدف أيضا إلى مواجهة تحديات النمو السكانى الكبير، مشيرًا إلى أن تأكيد الرئيس السيسى فى كلمته أن "الأراضى اللى تم الاستيلاء عليها هاخد فلوسها كاش، وأى أرض تم الاستيلاء عليها مش هاسيبها لحد، والمفروض أن مافيش محافظ يسيب متر أرض لأى حد" رسالة واضحة وتكليف مباشر وحاسم لجميع المحافظين على مستوى الجمهورية باسترداد حقوق الدولة والشعب من خلال استرداد أراضى الدولة.

 وحيا الدكتور صلاح حسب الله الرئيس السيسى على كل حرف جاء فى كلماته التى قال فيها بالنص : "ياريت الناس تفتكر أنى مش ضد حد .. لا والله.. أنا ضد الفوضى والإهمال واللا دولة، وكل الناس فى مصر أهلى وإخواتى، إنما الناس بتعمل اللى هى عايزاه وده لا يليق بمصر، ومش هنسيب حد ياخد حاجة مش بتاعته وامال احنا قاعدين نعمل إيه، وأرجو موضوع كنج مريوط ده يخلص، أنا شوفت فى الطيارة وأنا جاي مزارع سمكية، ودى مزارع حد يقولى حجمها قد إيه والعائد منها قد أيه، وبقول على كل المزارع السمكية.. لما كامل الوزير قال نوسع محور 26 يوليو قولتله فى محور تانى اسمه أم زغيو، قولتله نعمل المحور ده ونعمل محور تاني ينهى التعدى على بحيرة كنج مريوط، ومعناه أن موضوع تقنين الأراضى اللى اتاخدت من كنج مريوط يخلص ومش هنعمل مزارع سمك فى البحيرات، ولازم المياه تكون نظيفة، هرجع بحيرات مصر تانى زي ما كانت طيب، والناس اللى موجودة هناك قولت يتعرض عليا الموضوع، ولا يقنن الوضع إلا بعد العرض عليا، ثم يتعمل المحور، ويقطع الحد الخلفى للتعدى الموجود على البحيرة".

 وتابع: " والله العظيم أنا مش هاسيب لابنى جنيه ولا لنفسى، وده معناه أنا عارف كويس أوى أن اللى بياخد حاجة من الاستيلاء وغيره حرام، ولابد من إيقاف الهدر، وعدم الانضباط" وقال الدكتور صلاح حسب الله ان هذه الكلمات النابعة بكل صدق من قلب الرئيس السيسى تتطلب من الجميع ان يساند جهود الرئيس السيسى فى تطوير وتحديث مصر والحفاظ عليها حتى تصبح دولة كبيرة وقادرة على مواجهة جميع التحديات والمؤامرات والمخاطر التى تواجهها داخليا وخارجيا مؤكدا ان استعادة حقوق الدولة والأراضى المنهوبة مسئولية مصر كلها بجميع مؤسساتها والشعب المصرى أيضا".