مدحت شلبي عن عروس تعقم معازيم فرحها: «المصريين فظاع وماشية معانا بالستر»

انتقد الإعلامي مدحت شلبي، الواقعة المتداولة على مواقع التواصل الاجتماعي لحفل زفاف تقوم فيه العروسة بتعقيم المعازيم من خلال رش الحضور بمسدس تعقيم يحمل مواد مطهرة وسط تكدس بالفرح، وعلق قائلا: "قد يكون مشهد يدعوا للضحك ولكنه مؤسف جدا وغير مطلوب على الاطلاق".

وأضاف الكابتن مدحت شلبي، في تعليق ببرنامج "مساء الأنوار" على قناة القاهرة والناس، مساء الثلاثاء، "المصريين فظاع وملهمش حل.. واللي حصل مش وقت الكلام ده خالص والعروسة حطه على ضهرها الانبوبة وعمالة تضرب الراجل اللي هيتجوزها وسط زحمة المعازيم وترش في الناس، وده مش هينفع وفى الاخر لبست الكمامة بعد ايه بقى".

ووجه مدحت شلبي تحذير للمصريين من الاستهتار بكورونا قائلا: "يا جماعة والله ربنا بيسترها معانا يعنى الحمد لله الامور بنسبة كبيرة تحت السيطرة ولكن لو لم نتبع التعليمات الامر مش هيبقى لطيف ابدا، وعايزين نبقى ملتزمين ومش عايزين نبقى زي الدول التانية ولازم ناخد بالنا من اللى حصل في دول كبرى من فيروس كورونا".