رواد السوشيال ميديا لـ”حسين خيري وشرين غالب”: عايزين نسمع صوتكم في مواجهة أصحاب المستشفيات الخاصة

هاجم رواد مواقع السوشيال ميديا الدكتور حسين خيري، نقيب الأطباء، والدكتورة شرين غالب، نقيبة أطباء القاهرة، بسبب ما قالوا إنه "تخلي عن دورهم المهم في أزمة كورونا.. والذهاب لافتعال مشكلات فرعية بهدف كسب الأصوات الانتخابية".

وقال أحد المشاركين "على فكرة يا دكتور حسين النقابة دي مش ميراث حضرتك علشان تهادي بيها مدام منى مينا".
وقال آخر موجها حديثه للدكتورة شرين غالب: "إنتي لسه جاية في الانتخابات وعلى فكرة الانتخابات الجاية لسه بدري عليها مش عارفين مستعجلة على أيه عشان تدوري من دلوقتي على الإخوان وأصحاب الأفكار الهدامة".

ووجه ثالثة حديثه للاثنين " يا دكتور حسين أنت والدكتور شيرين ركزوا شوية واقرءوا تاريخ النقابة دي بدل ما أنتو مدورينها لحسابكوا وسايبين مصالح الوطن والشعب".

ووجه رابع طلبا للاثنين "نفسنا صوتكوا يعلى في مواجهة أصحاب المستشفيات الخاصة.. لكن طبعا متأكدين إنكم مع أصحاب تلك المستشفيات كالنعامة التي تدفن رأسها في الرمال."