حقيقة تعرض لاعبي الأهلي لأعمال سحر قبل نهائي أبطال أفريقيا

تداول رواد موقع التواصل الاجتماعي "فيس بوك" تعرض لاعبي الأهلي ، لأعمال سحر، لتعطيل لاعبي الفريق، في مباراتهم أمام نادي الزمالك فى اللقاء المرتقب يوم 27 نوفمبر المقبل بنهائي دوري أبطال أفريقيا.

وكان هناك العديد من الإصابات تلو الأخرى طالت الفريق، ولا يعلم أحد السبب وراء ذلك، وأصبح الأمر مبالغا فيه بالنسبة للكثيرين، فدائما ما ينتشر استياء من مدربي الأهلي، وانتقادات للفريق الطبي من جمهوره مع كل إصابة لأحد اللاعبين بالقلعة الحمراء.

وكتب محمد رشوان المحامى الاهلاوي في منشور له على ـ"فيس بوك":«من فتره كبيره وقت ما الشناوي اتصاب وطلعت إصابته خفيفه. كلمني رجل تقي ورع محترم. وكمان صديق ليا من المحترمين وقالولي قول للشناوي ربنا هينجيك عشان الخير الي بتعمله وأسر اليتامى إلى هو بيساعدهم. وفعلا ربنا نجاه. نفس الوضع مع كهربا لما اتصاب وبرضه ربنا نجاه».

وتابع :«النهارده طلع حاجه لوجه الله فربنا نجاه.. كنت بسمع كلام واقول الله اعلم ممكن.. انا مؤمن بالله وعارف أن كل شيء بأمر الله.. بس النهارده لاعبيتنا بعد التمرين اكتشفوا حاجات بتتحط في عربياتهم أو على باب بيوتهم.. معرفش حقيقي ايه الوضع. بس الموضوع حصل فعلا. وكل حاجه اتعقمت. واتقرا عليها قرآن واتشالت».

واختتم: «ربنا ستر وهينجينا من المكر السيئ وأهله. ولا نقول إلا حسبنا الله ونعم الوكيل. اللهم احفظنا».