ريهام عبدالغفور: «كورونا خلتني أعيش اليوم بيومه»

أكدت الفنانة ريهام عبد الغفور، أنها اعتادت على أن تعيش اللحظة بكل حاجة فيها، خاصة أن الدنيا يمكن أن تتغير في ثانية، مشيرة إلى أنها لا تضع خططا مستقبلية، خاصة بعدما جرى في 2020.

وقالت ريهام عبد الغفور خلال لقائها بردايو اينرجي: "الانطباعات الأولى لا تدوم بس أنا لا استعجل في الحكم على الناس، وبديلهم فرصة ولا أحب تكوين فكرة عن الأشخاص من أول مرة، ولو حد واخد انطباع عني غلط كنت ممكن أصححهوله، وببقى مقهورة لغاية ما أصححله الفكرة لكن دلوقتي لا مش ببذل المجهود قوي".
وأضافت:" الحب الأول مش وهم ومش هيجي زيه لكن لما بنكبر شوية بيكون الحب حقيقي أكتر، وبعد كورونا بقيت ممتنة لكل الحاجات اللي كانت عادية زي إني قادرة أزور أهلي وأسافر.
وتابعت:" شخصيتي لا تعرف اليأس، وأنا شخص مقاتل وبكمل لو عملت حاجة منجحتش بتعلم منها، وكل عمل بدخله بشتغل كأني أول مرة أشتغل، وأمثل بنفس الحماس والتوتر وكل حاجة ولو عملت حاجة ومنجحتش التجربة اللي بعدها بيبقى عندي حماس أكبر عشان مش عاوزة اتهزم أو أتكسر.