الزمان
«سجين زفتى».. أحمد رزق يحارب النصب باسم العمل الخيري في مسلسل إذاعي جديد محمد صلاح يواصل التألق مع طرابزون سبور.. ويصل إلى 9 أهداف في الدوري التركي بشرى سارة للأهلاوية.. تفاصيل جديدة بشأن تجديد عقد محمد هاني سعر الفضة اليوم في مصر.. تحديث عيار 999 والأعيرة المختلفة الجمعة 20 نوفمبر 2026 أسعار الأسماك اليوم الجمعة 20 نوفمبر 2026.. الجمبري بكام أسعار الفاكهة اليوم الجمعة 20 نوفمبر 2026 في الأسواق.. الموز بكام أسعار السجائر اليوم الجمعة 20 نوفمبر 2026 بعد الزيادة.. القائمة الكاملة سعر كرتونة البيض في بورصة الدواجن وللمستهلك اليوم الجمعة 20 نوفمبر 2026 وفاة عادل موسى رئيس لجنة شئون اللاعبين باتحاد الكرة بعد صراع مع المرض قانون التأمينات يحدد شروط حصول الأبناء على معاش المتوفى.. اعرف سن الاستحقاق والاستثناءات الرئيس الإيراني يدعو المواطنين لترشيد استهلاك الكهرباء والغاز والبنزين لمواجهة العقوبات التعليم تطلق برنامج «جسر».. 10 معلومات عن أهداف تطوير التعليم الفني والتكنولوجي وربطه بسوق العمل
رئيس مجلس الإدارة ورئيس التحريرإلهام شرشر

فن

تعليق ناري من سارة وفيق مخرجة “مش أنا” لـ حلا شيحة ومعز مسعود

خرجت المخرجة سارة وفيق، مخرجة فيلم "مش أنا"، عن صمتها بعد تصاعد الأزمة حول تصريحات حلا شيحة فيما يخص فيلمها الأخير وتبرؤها منه وعتابها لتامر حسنى .

وكتب سارة رسالة للداعية معز مسعود زوج حلا شيحة، بعد تدخله ورده وتضامنه مع تصريحات زوجته، حيث قالت سارة: "استاذ معز انا ساره وفيق مخرجة فيلم مش انا، قرأت بوست حضرتك اللي بتوضح فيه انك فاهم قصد حلا عن بعض اللقطات اللي كان المفروض نراعيها. . خلينا نتكلم بالحق بعد اذن حضرتك احنا نشيل مشاهد ليه و بأي حق بعد ما صورت و اخدت اجرها كامل ؟".

وتابعت “سارة”:"و احنا مالنا انك اتجوزتها !!!! انت اتجوزتها فنانه و بتصور الفيلم دا و دي حاجه بينك و بينها احنا مالنا و كمان بتقول كنت هتاخد اجراء ..إجراء ايه اللي تاخده انت ملكش اي حق تاخد اي إجراء المفروض تشكرنا اننا مخدناش إجراء قانوني ضد مراتك اللي امتنعت عن تسجيل صوتها لدوبلاچ الفيلم وعن تصوير افيش الفيلم اللي مدفوع فيه ملايين انت متعملش حاجه غير انك تشكرنا لأننا شيلنا كل المشاهد اللي هي ماكنتش عايزاها وممكن ابعتهالك تشوفها عشان تعرف بس ازاي انا و المنتج و الفنان تامرحسني فتحنا الفيلم و عيدنا المونتاچ تاني على حساب الفنان تامرحسني مادياً عشان يرضي حلا".

وأضافت مخرجة فيلم “مش أنا”:" مع انها مشاهد من وجهة نظري طبيعيه و كوميديه و رومانسيه راقيه لأن دي طبيعة افلام تامر، ومع ذلك شال كل المشاهد دي و احترم وجهة نظرها
فيما يخص الكليب بقي هو حضرتك كنت فين من ٢١ يوم من ساعه ماالفيلم نزل، ماهو الكليب في الفيلم ومصر كلها تقريباً شافت الفيلم و محقق اعلى ايرادات كنت فين حضرتك و هي كانت فين ؟؟؟ ماهو الفيلم كله على بعضه هينزل كمان في التلفزيونات بالكليب اللي جواه و بعدين دا كليب رومانسي و المراعاه من وجهة نظرك هي ضرر من وجهة نظر الإنتاج و دي مصاريف كبيره اوي و حلا وافقت تصور برضاها و رغم كل دا كلمناها كتير مردتش علينا ولا علي رسايلنا كان لازم بخبرتك تخليها تتواصل مع شغلها و تقفل الصفحه صح مش تخليها تقاطع شغلها و تورطها كدا دا لو انت السبب في المقاطعه دي والله اعلم ".

واختتمت سارة وفيق حديثها وقالت:"بعدين حضرتك كنت فين و هي بتكتب البوست الصبح ليه المواعظ العظيمه الجميله دي منصحتهاش بيها ، دا لو مش انت اللي كاتب البوست اصلاً ، انا مكنتش ناويه ارد على حلا لأن تامر رد بمنتهي الادب والاحترام ووضح كل حاجه وحلفني مااردش عشان خاطر نفسيتها بس انت استفذتني بصراحه و لو انت اللي ارغمتها تكتب بوست بالشكل الساذج دا عشان تحافظ على منظرك قدام الناس فاانت فضلت نفسك على حساب حلا و للأسف خليت الناس كلها تهاجم مراتك دا لو انت السبب برضو والعلم عندالله..".

click here click here click here nawy nawy nawy