بهاء الدين محمد: أنا ضد نزول أغنية قال فاكرينك لـ عمرو دياب في ألبوم

أكد الشاعر بهاء الدين محمد، إنه ضد نزول أغنية “قال فاكرينك” للفنان عمرو دياب، في ألبومه الغنائي وأن الأغنية نجاحها في غنائها بالحفلات.

وكتب بهاء الدين محمد، من خلال حسابه الرسمي على “فيسبوك”: “بالنسبه لأغنية #قال_فاكرينك اللى كتير عايزينها تنزل ف ألبوم و #عمرو_دياب  قال  ح أنزلها علشان بهاء وأكيد كان بيهزر لأنه عارف إن أنا مش مع نزولها ف ألبوم نهائى لأنها نجحت ف الحفلات بشكل كبير وجميل جدا لم يحدث من قبل هى و #أكتبلك_أعهد”.

وتابع قائلاً: “ولو عايزين نجاح قال فاكرينك يستمر سيبوها للحفلات فقط ولو فكرنا بشكل إحترافى يبقى أكبر غلط يتغير شكلها اللى سمعتوه ف الحفلات ومهما كان التوزيع حلو برضه مش زى الروح اللى إترسمت ف خيالكم للأغنية والحاله اللى عشتوها بيها وأنا بأكرر لو بتحبوها سيبوها ناجحه ف الحفلات وبلاش تنزل فـ ألبوم”.

وكان الهضبة أعلن عودة التعاون مع بهاء، بـ"قال فاكرينك" وأكد انه سيقدمها في ألبومه "كل حياتي"، ولكنه استبعدها للمرة الثانية، دون إبداء أسباب، ليثير هذا الأمر غضب "الشاعر".

وتطورت الازمة بينهما بسبب حفلة الهضبة بجامعة مصر الدولية، وأصبحت حديث مواقع التواصل الاجتماعي، بعد انتشار فيديو لعمرو، وهو يهاجم أحد حضور حفله، بعدما ألح عليه الأخير في طلب غناء "قال فاكرينك"، التي اعتاد عمرو غناءها في حفلاته.

وقال دياب لطالب الأغنية، "والله ما هقولها، أنت لو قعدت 100 سنة تطلبها مش هقولها، أنت هتمشيني على مزاجك، مش عاوزها، لو كنت عاوزها كنت نزلتها في الألبوم، إنما أنا مش عاوزها، مزاجي مش عاجبك متسمعنيش، ده أنت غريب أوي".

ورد بهاء الدين محمد، على الفيديو المنتشر معلقا "فى حد يعمل كده؟! الأغنية دى مابقيتش أغنيتى ولا أغنيتك! دي أغنية الجماهير! أول مره أشوف حد بيحارب نجاح أغنية له! معلش.. الحقيقة مرة.. ولسه".

وصالح عمرو دياب الشاعر الكبير بهاء الدين محمد بعد تعاونهما سويا فى أغنية "بتهزر" التى تم طرحها ضمن البومه الجديد "يا انا يا لأ".