سمير صبري لراديو هيتس: أنا لسه في المستشفى وصحتي أحسن

قال الفنان سمير صبري، إنه يشكر ربنا إني عشت الزمن الجميل ده و ربنا حققلي كل أمنياتي و عشت عشان اشوف مصر و الرئيس السيسي بينقذها، وانا لسة في المستشفى بس الحمدلله صحتي أحسن و في تقدم كبير، جاء ذلك خلال لقاءه في برنامج ع اللوكيشن الذي يذاع علي راديو هيتس والبرنامج من تقديم شريف الليثي .
و أضاف أن اول دخولي الفن كان قدر عجيب جداً لأني جار عبدالحليم حافظ و وقفته عند الاسانسير قلتله انت بتصور فيلم حكاية حب و عاوز أحضر التصوير، و بدايتي الحقيقية في الإذاعة المصرية، وأنا ببدأ مكنتش عارف هوصل لإيه بس كنت غاوي الفن تمثيل وإذاعة وغناء.

وتابع يجب أن تكون متجدداً دائما و مطلعاً دائماً و تقرأ كثيراً و تعرف الجديد في الإذاعة و التلفزيون و السينما، وياما وقعت في مطبات و ياما فشلت لكن الفشل علمني النجاح و كل ماقع بطلع منه بإرادتي القوية و إيماني.

أما عن النقلة في حياته فكانت لما عمار الشريعي قالي نعمل فرقة وحولناها لفرقة إستعراضية و سافرنا جميع انحاء العالم، ومكنتش متخيل كل هذا الحب من الجمهور، واختتم أنا مؤمن دايما إن الخير موجود.. دور عليه هتلاقيه.