دينا الشربيني: عمرو دياب راجل عظيم وبحبه جدا وحاليا مركزة في شغلي

ردت الفنانة دينا الشربيني، على سبب نفى عمرو دياب أن أغنية برج الحوت ليست لها، قائلة: "أنا مسمتعش القصة دي ويمكن يكون حصل ومعرفش فعلا الأغنية ليا ولا لا، وأنا دينا مقدرش اتكلم نيابة عن حد، وعمرو دياب راجل عظيم بحبه جدا واحترمه جدا، وبحاول طول الوقت ابقى انا".

وأكدت الفنانة دينا الشربيني، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، أنها لا تغضب حال ارتباطها بشخص وقام بتشغيل أغنية برج الحوت لها، قائلة: "لو مرتبطة بحد وحصل كده مش هزعل، وأنا حاليا محتاجة اركز في شغلي والحب ملوش خطة".

وعن مواصفات فتى احلامها، قالت: "أنا مواصفاتي في اللي عايزة ارتبط به يكون بيراعي ربنا ودمه خفيف وحنين على أهله وبحب الراجل اللي مش بيحب النكد".