عمرو أديب: الإسرائيلي لسه عنده التهابات وتسلخات من الحرب لغاية دلوقتي

انتقد الإعلامي عمرو أديب، ما قال إنها محاولات تقليل من بطولات الجيش المصري في حرب أكتوبر المجيدة، مؤكدا أن آثارها لا تزال حاضرة بين الإسرائيليين.

وقال خلال برنامجه "الحكاية" عبر شاشة "mbc مصر"، مساء الجمعة: "عمري ما شفت بلد فيها فئة بتعشق إنها ترمي عليها التراب.. كل سنة زي دلوقتي ندخل في حوار من أغبى ما يمكن وأتحدى فيه بلد عندها الحوار الغبي ده".

وأضاف: "حرب أكتوبر 1973 البعض بيقول مكنش انتصار كبير وناس بتعمل فيديوهات.. إيه ده .. إحنا مفيش عندنا انتصارات في حاجة تانية نديها للأجيال الجديدة".

وتابع: "إحنا عبرنا بجد.. وقت الحرب مكنش فيه فوتوشوب.. لو كنا اتهزمنا كنتم عملته إيه.. وقت النكسة مش بنلاقي حد يتلكم.. لكن في وقت الانتصار يرموا تراب".

وأكمل: "الناس دول (العدو الإسرائيلي) كانوا محتلين ثلث مصر.. الناس قالت الله أكبر وشالت روحها على إيديها.. الإسرائيلي لسه عنده التهابات وتسلخات من الحرب لغاية دلوقتي".