عمرو سعد: سر نجاح أحمد سعد في زوجته علياء.. والأخير يؤكد: أكتر حد بيفرحلي

نجاح كبير حققه الفنان أحمد سعد في موسم جدة كما ظهر شقيقه الفنان عمرو سعد لأول مرة معه علي المسرح وقاموا بالغناء سوياً، وفي لقاء اعلامي علي هامش الحفلة تحدث كل من عمرو سعد وأحمد سعد لـ ONE TAKE عن استعدادتهم للحفل والاغنية الذي قدموها سوياً.

في البداية قال الفنان أحمد سعد عن ظهور شقيقه معه في الحفل "عمرو كان مفاجئة كبيرة بنسبالي كان نفسي من زمان يحضرلي حفلة ويشوف حب الناس ليا بقي عامل ازاي لأنه أكتر حد بيفرحلي"

وأضاف "وكان فيه أغنية جربنا نعملها قبل كده أنا وهو بس منزلتش وكان معايا نسخه منها علي الموبايل وقررت افاجئة ونقدمها في الحفلة وعملنا عليها بروفة وغنانها مع بعض وهو كان مبسوط جداً ومكنش عاوز يسيب المسرح"

أما الفنان عمرو سعد فتحدث عن وجوده مع شقيقه لاول مرة في حفل قائلاً "مكنتش مخطط لحضوري مع أحمد من قبلها بفترة لاني مش فاضي طول الوقت بيبقي عندي تصوير بس أحمد عكسي بياخد قرارت جريئة وكلمني قبلها بيوم ووافقت ولما جيت السعودية فجأني اننا هنغني مع بعض اغنية كنا جربنا نعملها سوا قبل كده ولأخر لحظة كنت متردد بس هو كان مصمم وعملناها وردود الفعل من الجمهور السعودي كانت جميلة جداً".

وأضاف عمرو سعد لمست في الجمهور محبة أحمد سعد ودي حاجة كويسة جدا أن جمهور سعودي أو عربي يحب فنان مصري بالشكل الكبير ده لأنه في الاخر سفير للهجة المصرية".

وعبر عمرو سعد عن مدي سعادته بنجاح شقيقه قائلاً "أحمد سعد نجح وبينجح نجاح خطير وخطواته موفقة وتغيير كبير جداً وبقي يشتغل 24 ساعة ودي أول مرة أدخل كواليس شغله مش بيبطل تليفونات وترتيبات بس للأمانه مراته مدام علياء هي جزء كبير من نجاحه وأستقراره الفترة الاخيرة".

اما عن سر غياب عمرو سعد الفترة الأخيرة عن الظهرو الاعلامي قال "انا مش بحب اطلع في برامج عشان بحس بخجل لكن الفترة الجاية هكسر الحتة دي وهطلع في برامج كتير وكمان بجهز مسرحية في موسم الرياض هتكون مفاجئة"
https://fb.watch/kO9q8r-f2E/?mibextid=qC1gEa