أميرة بدر عن البرامج النسائية:«المجال بقى فيه شهوة للشهرة مرعبة»

أعربت الإعلامية أميرة بدر عن استيائها لما يحدث في بعض البرامج النسائية خلال الفترة الماضية، مؤكدة أن ما يحدث يكون بدافع هوس الشهرة.

وقالت أميرة بدر، في حوارها مع الفنانة انتصار وبدرية طلبة ونوليا، في برنامجهم “ من غير نفسنة” المذاع عبر شاشة قناة "هي": المجال بتاعنا بقة فيه شهوة للشهر بطريقة مرعبة، وعايزين الشهرة تيجي بسرعة أوي، حتى لو هيغيروا رأيهم بعد كده، ومش مهم عندهم لو هيتشهروا بشكل سلبي، لأنهم شايفين أنهم كده نجحوا وحققوا اللي هما عايزينه واتشهروا.

وتابعت: الست هي اللي بتختار، سواء تكون سلطانة للسلطان ولا تكون جارية، وفي ناس عندها أن اللي بيطلع في التلفزيون صح ولكن ده غلط مينفعش حد يفكر كده، وفي حالات طلاق كتير حصلت والرجالة بتصدق.

وأضافت: اللي يضايق أن في نفس المحطة جايبيين برنامج بيناقش قضايا المرأة بمنتهى الاحترام والتقدير، وبيجيبوا وزيرات.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

https://youtu.be/YDY10v3NlxA?si=IJ5q9M1jaCg_myWZ