سارة نخلة: كانوا بيدفعولي فلوس علشان أظهر في البرامج وقولت ما أعمل أنا البرنامج

تحدثت الممثلة والمذيعة السورية سارة نخلة، عن تفاصيل بدايتها الفنية، مؤكدة أنها اكتشفت مؤخرًا موهبة التقديم التلفزيوني.

وقالت سارة نخلة خلال حوارها في برنامج “من غير نفسنة” الذي تقدمه الفنانة انتصار وبدرية طلبة ونوليا، عبر شاشة قناة “هي”: مش هينفع أكون موديل خلاص تاني، لأن بيكون زي لاعبين كرة القدم ليها فترة محددة وبعد كده خلاص، واللي أنا أعرفه إني كنت أحب أبقى مشهورة سواء بالتمثيل أو إني أبقى مذيعة.

وتابعت: مؤخرًا اكتشفت إني عندي موهبة إني أبقى مذيعة، لقيتهم بيدوني فلوس علشان أطلع في البرامج قولت طالما أنا مثيرة للجدل للدرجة دي ما أعمل أنا البرنامج، وجاتلي الفرصة وجربت، وناس كتير قالولي ضيعتي سنين كتير في التمثيل ياريتك كنتي اشتغلتي مذيعة.

وأضافت: أول ما جيت مصر قررت إني هنزل أشتغل صيدلية علشان المواد الفعالة في سوريا زي مصر، ومقارنة بالتمثيل مرتبي من الصيدلة مكنش هيكفي إيجار بيتي، وكنت بشتغل في الصيدلية ولو جاتلي حاجة مودلينج بروح أو مشاهد، زي فيلم عصمت أبو شنب كان أول مرة أقف قدام كاميرا.

واستكملت: ولما الناس بقت تدخل الصيدلية وتعرفني قولت لأ أنا خلاص خليني في التمثيل، بس الصيدلية بالنسبة ليا كنت عايزة اكتسب منها اللكنة، لأن السوريين يتكلموا صعيدي حلو، وأكتر حاجة حبيتها إني كنت بتعلم اللكنة.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

https://youtu.be/JsCIBagLSaI?si=uuHXObQT22ghGbGA