عبد الرحمن بيدو يطرح أحدث أعماله الغنائية عود غزال

طرح المطرب عبد الرحمن بيدو أحدث أعماله الغنائية " عود غزال" على قناته الرسمية عبر موقع الفيديوهات العالمي " يوتيوب.

عود غزال كلمات باسم عبدالنعيم، الحان عبدالرحمن بيدو، توزيع خالد لولو.

جدير بالذكر أن أخر أعمال المطرب عبد الرحمن بيدو أغنية " أنا مش تمام " كلمات وألحان محمد هشام، توزيع ماريو جميل، إنتاج مصطفي صيام.

تقول كلمات الأغنية
عـود غزال مرسوم بالحته
وعارفه أنك جامده طـحن.!
شـاغله بـدل الراجـل سته
وعايشه من غير أي مـحن.!
وأمـا تمشـي فـي أي حته
رافعـه راسـك في العـلالي.
لابسه ضيـق لابسـه عادي
دايسـه في الدنيا بمزاجـك.!
مش فى بالك مـين ينادي
عارفه فـ التنفيض علاجك.!
عارفه قيمتك مهما يحصل
يا اللي قلبـك مهـرُه غـالي.!
---------------------------------؛
قلبـي دايـب فيكي يا قُطه
من شفايفك نفسي فـ قطه
في الجمال بقي احلي بطه
وكـل مـن شـافك يـدوخ.!
راسـمه حنـه وحـانا كعبـك
مـش في بالك حـد تاعبـك
مين في يوم يقدر يلاعبك
وأنتي فورتيكه وصاروخ.!
----------------------------------؛
يلي روحـك خاطفـه قلبي
نفسـي تبقي فيوم معايا.!
ماشيــه في الدنيا بهواكي
نفسي يوم تمشي بهوايا.!
نفسـي بـس تبصـي بصـه
وتبقي حاسه فيوم بحالي.!
نفسي قلبي يكون مرايتك
ولا تبقـي في يوم حـلالي.!
---------------------------------؛
مُـزه مـين في الدنيا قـدك
ولا كـان حتي في جمـالك.!
سارقه قلبي سـنين بقلبـك
خفي حـبه يا حـلوه مـالك.!
عمري كله أنا شوفته فيكي
وقلبـي دق بخطـوه منـك.!
لـو قـدرت أن أبقـي ليكـي
عمرى ما أبعد لحظه عنك.!
قلبي سـكران من شفايفـك
نفســي تهـدي وترحمينـي.!
بكره هاجي أطلب أيديكي
يا أنتـي تيجـي وتطلبيني.!
---------------------------------؛
يـا أم عين سـوده وجريئه
شاغله ميت حـد فـ دقيقه
ده اللي يدخل يوم حياتك
صعب يخروج منـها عاقل.!
سايقه كـل الكـون بطـولك
مش فـ بالك مـين يخونك
مهما تبقـي فـ يـوم عيوبك
روحي فيكي وقلبي قابل.!
---------------------------------؛
قلبـي طـاير مـن حـلاوتك
نفسي بـس يكـون مُناكى.!
نفسي أكـون جـنبك يا أما
تخدي قلبي يكون معاكي.!
لمسـه منـك قـادره تمحي
أي جـرح في يـوم أذانـي.!
يلـي شـكلك من ملامحي
فين مـا تمشـي مجـنناني.!
فين مـا تمشـي مجـنناني.!
---------------------------------؛
بـرج حـوت .. أو بـرج دلـو
مش مهـم تكـون صـفاتك.!
مهما قالوا في يـوم خـنيقه
عايشـه بـ دمـاغك حياتك.!
ضحـكه منـك قـادره تفتـح
ألـف مـيت بـاب للسـعاده.!
يلـي حضنـك أحلي مطـرح
ينسي فيـه قلبـي الكئـابه.!
سـاده وقتي فى أي ضيقـه
ما أنتي بنت بـ ألف حـاله.!
بنسي فيكي الكون وبسرح
وأني أسيبك ده أستحاله.!
---------------------------------؛
مين يكون غيرك حبيبتـي
وكل شـئ فى الدنيا أنتـي
حاضره دايماً مهما غيبتـي
مين في يوم ينكر وجودك.!
شاطـره في الحـُب وذكيه
مخلصـه وجــدعه ووافيـا
يلـي روحـك مـش عـاديه
وقلبـي دايب مـن خدودك.!
---------------------------------؛
نفسـي مره أرقص معاكـي
وكل حاجه هتبقي خالصه.!
نفسي تبقي فـ يوم ملاكي
وفيـا تكمـل حتـه نـاقصـه.!
نفسـي أقـولك بنـت قلبـي
وألـف كلمـة حـُب شـاهده.!
مين في يوم يقدر يقارنك
وأنتي أحـلي بجد واحـده.!
وأنتي أحـلي بجد واحـده.!

https://youtu.be/LD-fFopQDGk?si=1ATYB2YR-2SOmKTa