بريطانيا تعلن زيادة الانفاق الدفاعي للبلاد إلى 2.5% بحلول عام 2030 وزير المالية: تعيين 120 ألف شاب خلال العام المالي القادم مصر ترحب بالاتفاق بين أرمينيا وأذربيجان وزير المالية: 12 مليار دولار من إيرادات مشروع رأس الحكمة لصالح الخزانة العامة مجلس الوزراء: وتيرة الإفراج الجمركي عن البضائع عادت لطبيعتها قبل الأزمة الأخيرة النواب يحيل البيان المالي وخطة التنمية للجان النوعية ومجلس الشيوخ نتائج جهود أجهزة وزارة الداخلية لمكافحة جرائم الإتجار في المواد المخدرة نتائج جهود الأجهزة الأمنية بالقاهرة لمكافحة جرائم السرقات د. عصام فرحات يترأس اجتماع مجلسي كليتي الطب البشري والتربية الرياضية انفوجراف وفيديو.. تعرف على أنشطة وجهود مديريات الزراعة والطب البيطري خلال آخر أسبوع وزير المالية: تخصيص 636 مليار جنيه للدعم والمنح و575 مليار جنيه للأجور في الموازنة الجديد هالة السعيد أمام النواب: 179 مليار جنيه استثمارات موجهة لأنشطة الزراعة والري بخطة العام المالي القادم
رئيس مجلس الإدارة ورئيس التحريرإلهام شرشر

فن

لقاء الخميسي: رفضت فيلم إحكي يا شهرزاد بسبب مشهد في السرير.. ولو عملته محمد عبد المنصف كان هيقعد في البيت

تحدثت الفنانة لقاء الخميسي، عن علاقتها بزوجها محمد عبد المنصف حارس مرمى نادي الزمالك السابق ومنتخب مصر، كما كشفت عن رفضها فيلم إحكي يا شهرزاد، وفيلم سكوت هنصور، بسبب المشاهد الجريئة.

وقالت لقاء الخميسي، خلال استضافتها ببرنامج "أسرار" مع الإعلامية أميرة بدر المذاع على قناة النهار: ممكن أكون أثرت على زوجي محمد منصف في حاجة ولكن مش المسيرة، ولكن وقت ما اتجوزني الجماهير هاجمته أنه ليه ممثلة زمان كانت وقتها فضيحة أنه يتجوز ممثلة، وأنا زوجي مأثرش فيا زي ما أنا أثرت فيه، ولادي اللي أثروا فيا جامد.

أما عن تفاصيل رفضها فيلم إحكي يا شهرزاد، فقالت لقاء الخميسي: اللي جوزي رفضه أنا كمان كنت هرفضه، وأنا مش واخدة على المشاهد المنفتحة الزيادة، وفيلم إحكي يا شهرزاد اتعرض عليا دور المحامية اللي كانت قصاد أستاذ محمود حميدة، وكان في مشهد على السرير واللي رشحني أستاذ وحيد حامد الله يرحمه، وقابلته وقولتله مش هقدر أعمله علشان مشهد على السرير، قالي أنتي بتهزري أنتي بترفضي فيلم لـ وحيد حامد وأنا شايفك نجمة؟ قولتله لأ أنا مش برفض فيلم لو حضرتك شيلت المشهد ده همثل، قالي مش أنتي اللي هتقولي لي أشيل إيه ومشيليش إيه.

وتابعت: لو كنت قلبت ده كان هيحصل لجوزي مشاكل، خاصة أن جمهور الزمالك كان بيشتم أنه اتجوز ممثلة، في أعمال مهمة جدًا رفضتها وقعدت أعيط أسبوع في البيت بسبب مشاهد، ورفضت فيلم سكوت هنصور مع يوسف شاهين وكنت هموت، رفضت الفيلم بسبب مشهد بوسة، وروبي هي اللي عملت الدور.

وأضافت: لو رجع بيا الزمن لو مفيش بوسة في الفيلم هقبله، وأنا مبقولش أن اللي هيعمل ده مش كويس، ولكن أنا مش هقدر، والفيلم التاني إحكي يا شهرزاد مشهد كان بالنسبة ليا تقيل أوي ووقتها كنت متجوزة، ولو المشهد ده كنت عملته محمد عبد المنصف كان هيقعد في البيت.

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

https://www.facebook.com/share/v/dZgQaLNuijiK3aFB/?mibextid=oFDknk


https://www.facebook.com/share/v/pC6FFnfWm9xWN76H/?mibextid=oFDknk