طارق الدسوقي لـ المخرج محمد سامي: متستسهلش علشان تجيب تيمة حراقة اتعملت في الأفلام الهندي

كشف الفنان طارق الدسوقي، سبب رفضه المشاركة في مسلسل جعفر العمدة بطولة الفنان محمد رمضان، والذي عرض خلال السباق الرمضاني الماضي وحقق نجاحا كبيرا.

وقال طارق الدسوقي، في لقائه مع الإعلامية إنجي هشام، في برنامج "المنسي" المذاع عبر شاشة قناة "هي": اتعرض عليا مسلسل جعفر ورفضته لأن في مدرسة دلوقتي عند كتير من المخرجين اساميهم كبيرة وكل سنة ليهم مسلسل وبيكسر الدنيا، لكن محمد سامي وجهة نظره ومدرسته أنهم بيعملوا الفن لتسلية الناس ومحدش يتكلم عن الرسائل والأهداف، والفن أبسط من كده كتير.

وتابع: اجهد نفسك شوية علشان تحقق المعادلة الصعبة، متستسهلش علشان تجيب تيمة حراقة زي ما بيقولوا، تيمة الانتقام دي معمولة من أيام أمير الدهاء ودائرة الانتقام وحصاد الشر وسعد اليتيم، أن البطل بيتداس في الحلقات الأولى وبعدين ينتقم ويصفي حساباته مع باقي الأبطال.

ووأضاف: أن حد يتوه وحد يموت قبل ما نعرف السر دي خلطة بسيطة جدًا والأفلام الهندي قامت على كل ده من زمان، أعمل كل ده لكن حط قضية نناقشها.

واستكمل: أنا معنديش مشكلة اشتغل مع محمد سامي ومحمد رمضان، ولكن المهم نكون هنقول إيه، ومحمد سامي قال في البروفا أنه بيسلي الناس ويقعدهم قدام الشاشة، وهو زكي وبيعرف يعمل ده، وأنا مش ممكن أعمل عمل فيه قيمة إيجابية واحدة، وفي لجان إلكترونية على السوشيال ميديا وبتشتم اللي بينتقد.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

https://youtu.be/brb9FxL_cgg?si=LQcah70pT4_Iiwye