بعد إحالة المتهمين بقضية خط غاز أكتوبر للمحاكمة.. جبيلي: «العدالة هتتحقق ولكن الأهم نتعلّم من الكارثة دي عشان متتكررش»

علق د. أحمد جبيلى، على إحالة المتهمين بقضية خط غاز 6 أكتوبر بطريق الواحات، والتي أودت بحياة 8 ضحايا أبرياء وأصابت العشرات بأن التحقيقات أثبتت أن الإهمال وعدم التنسيق مع شركات الغاز كان السبب الرئيسي في الكارثة.

جاء ذلك في تصريحات له بقوله:"الموضوع مش بس محاكمة.. ده رسالة يعنى لو كنت مقاول أو عامل حفر، متحفرش من غير ما تتأكد 100% من أماكن خطوط الغاز والكهرباء ولو كنت مسئول، متسيبش موقع فيه خطر من غير لافتات تحذيرية أو إجراءات أمان وخاصة أن الغلطة الواحدة ممكن تاخد أرواح ناس ملهمش ذنب، وتخلي أسر كاملة تبكي عمرها".

وواصل حديثه:"الضحايا دول مش أرقام.. ده ولاد ناس، وعيال، وزوجات، وكل واحد فيهم كان عنده حلم ومسيرة انتهت بلحظة. والحكومة بتتحرك والمتهمين هيتحاسَبوا، لكن الموت مالهوش تعويض.. من قلبي لأهالي الضحايا: ربنا يصبركم ويحفظكم، واللي راح مش هينسى وللمصابين: ربنا يشفيكم ويعوضكم خير وللمسئولين والمقاولين: كفاية استهتار.. السلامة مش رفاهية، الدماء مش لعبة.

واختتم حديثه بالتأكيد بقوله" العدالة هتمشي، لكن الأهم من المحاكمة.. نتعلّم من الكارثة دي عشان متتكررش".