السيسي: اللي حصل في 2011 شكل من أشكال الحرب.. مكنوش يعرفوا ربنا

قال الرئيس عبدالفتاح السيسي، إن ما حدث في 2011 يعد شكلا من أشكال الحرب.

وأضاف خلال كلمته ضمن فعاليات الندوة التثقيفية رقم 42، والتي تنظمها القوات المسلحة، بمناسبة الذكرى الـ52 لانتصارات حرب أكتوبر المجيدة: «كل الناس قالت إن اللي حصل في 2011 حرب مختلف عن شكل حرب أكتوبر».

وأكمل: «قعدنا بعدها 10 سنين، كان الأشرار والله أشرار لو يعرفوا ربنا ميعملوش كده، لكن بفضل ربنا - سبحانه وتعالى - والجيش والشرطة والشعب المصري الإرهاب انتهى».

وذكر أن العديد من الدول استغرقت عشرات السنوات لتحارب الإرهاب ولم تنجح، معقبًا: «بفضل الله والشكر والمنة يارب نجحتنا ونصرتنا».

واستطرد: «هو كل حاجة، لأنه بيعينك بالأسباب ويخليك قادر تمسك بالأسباب في إيدك، كل الدنيا بتاخد بالأسباب وبتشتغل، لكن لازم يوفقك ويوفق الأسباب ليكم، وعدت المرحلة الصعبة دي».

ويشهد الرئيس عبد الفتاح السيسي، القائد الأعلى للقوات المسلحة، اليوم الأحد، الندوة التثقيفية رقم 42، والتي تنظمها القوات المسلحة، بمناسبة الذكرى الـ52 لانتصارات حرب أكتوبر المجيدة.