”أقوم بالسلامة وابدأ من الصفر تاني” صاحب اغنية بشحت بالجيتار يبعث رسالة لمتابعية بعد نجاته من حادث مروع

طمأن الفنان على رؤوف جمهوره ومتابعيه على حالته الصحية بعد تعرضه لحادث سير مروع خلال الأيام الماضية،و إصابته بعدة جروح وكدمات قوية فى العمود الفقرى وشرخ بسيط فى منتصف القفص الصدرى.

علي رؤوف يطمئن جمهوره:

وكتب علي رؤوف عبر صفحته على موقع التواصل الاجتماعي فيسبوك:"احبائي ومتابعيني تحية طيبة وبعد .

احب اطمنكم عليا وعلي صحتي اني بخير الي حد ما , عندي بس شوية جروح وشرخ بسيط في منتصف القفص الصدري وكدمات شديدة في العمود الفقري".

وأضاف:"وبما اني صاحب الشأن بنفي اي خبر عن اني في حالة حرجة انا محتاج بس راحة من اسبوعين الي 3 اسابيع , ومفيش داعي اني اتكلم عن الحادث او تفاصيله , اينعم كتير عنده فكرة ان دي اول عربية اجيبها في حياتي وكانت حلم من احلام عمري بس مدام جت في الحديد ف في ستين مليون دهية ".

وأضاف:" ومش محتاج اقول ان دي تحويشة سنين بس نقول ايه بقي غير اللي ايده في المية مش زي اللي ايده في النار , الخلاصة اني بخير الي حد ما ومش زعلان علي حاجة ومسيري اقوم بالسلامة وابدء من الصفر تاني ".

وأستطرد:" كل اللي انا طالبه علي قدر حبكم ليا اتمنولي الخير , لان اي نجاح انا بعمله هو حصاد 15 سنة مرمطة وتعب بلا راحة وتكاسل , واظن اي كرير في الدنيا محتاج تعب وكفاح , واحب ان احيط علم سيادتكم اني مش بتباها بممتلكاتي و خير دليل علي ذالك محدش يعرف اني كان معايا عربية اصلا ويوم ما انتشر الخبر كله شافها متدشملة في الحادث , لاني ديما براعي احتياج الغير للاشياء الثمينه ف مبحبش اخلي اي حد يستفذ بحاجة معايا هو نفسه فيها ودا من اصول تربيتي".

وأختتم:"واخيرا شكر خاص لرجال الامن في محافظة السويس علي انقاذي انا واللي كانو معايا , شكرا لكل راجل محترم عنده نخوة ساعد في انقاذ حياتنا من الحادث شكر خاص لأطباء المجمع الطبي في السويس علي مجهوداتم العظيمة…

شكر كبير جدا لكل اصحابي وحبايبي اللي كلموني وسألو عني وكانو معايا لحظة بلحظة لحد ما رجعت البيت

وعلي راسي كل اللي تلهف عليا وسأل عني وعن صحتي".