الرئيس السيسي: والله أنا الوحيد إللي عارف إن إيد ربنا معايا.. إحنا بالحسابات البلد دي ماتقومش أبدا

قال الرئيس عبدالفتاح السيسي، إنه حريص على نسب الفضل إلى الله في كل مناسبة يتحدث فيها مع الجمهور.

وأضاف خلال حواره التفاعلي مع المتقدمين الجدد للالتحاق بأكاديمية الشرطة، اليوم الثلاثاء: «لازم أعترف لكم بحاجة، لازم تعرفوا إن يد الله كانت معانا ولازالت، إحنا بالحسابات البلد دي ماتقومش أبدا».

وأكمل: «عشان كده والله أنا الوحيد اللي عارف إن إيد ربنا معايا، لإنها طبقًا للمعايير الموجودة متنفعش، متقدرش، متبنيش ربع الطرق إللي اتبنت أو ربع السكك الحديد إللي اتعملت بإمكانياتها، لكن بكرم الله».

وواصل: «ربنا معانا أوي، وكل ما هنقرب منه، ونخاف منه كويس، ونخلي بالنا من بعضنا، ويكون عندنا إخلاص في العمل هتبقى النتائج أفضل من كده، وربنا يديم علينا فضله وكرمه وستره ونصره وسلامه».

وأجرى الرئيس عبد الفتاح السيسي، صباح اليوم، زيارة أكاديمية الشرطة، وكان في استقباله فور الوصول إلى مقر الأكاديمية، اللواء محمود توفيق وزير الداخلية، وعدد من قيادات أكاديمية الشرطة، ووزارة الداخلية.

وصرح المُتحدث الرسمي باِسم رئاسة الجمهورية بأن الرئيس تابع خلال الزيارة اختبارات كشف الهيئة للطلبة والطالبات المُتقدمين للالتحاق بأكاديمية الشرطة، وفقاً للمعايير الموضوعية التي أكد عليها الرئيس لانتقاء العناصر الأكثر جدارة وتميزاً لانضمامهم لجهاز الشرطة، وهو ما يُساهم في تعزيز جهود الارتقاء بأداء الشرطة المصرية، ودورها المحوري في ترسيخ دعائم الأمن والاستقرار في البلاد.