«أنا غلطت».. تفاصيل اعتذار بيومي فؤاد للفنان محمد سلام بعد خلاف طويل

أعاد الفنان بيومي فؤاد إلى الواجهة حديثه عن الخلاف الذي جمعه بالفنان محمد سلام، والذي بدأ عام 2023 عقب اعتذار سلام عن المشاركة في إحدى المسرحيات بموسم الرياض احتجاجًا على الحرب في فلسطين، وتصريحات فؤاد التي أعقبت موقفه وأثارت الجدل بين الجمهور والإعلام.

بيومي فؤاد يعتذر لمحمد سلام

قدم الفنان بيومي فؤاد، الاعتذار للفنان محمد سلام بعد مرور عامين من الخلاف، قائلا: “أنا غلطت في الفيديو بتاعي، الناس ملهاش غير الظاهر، الناس مش عارفة إي كواليس في أي حاجة والظاهر بالنسبة لهم إن أنا واحد ببيع صاحبي، أنا مابقولش الكلام دا عشان الناس ترحمني، أنا لسه لغاية دلوقتي الناس بتقول علي بيومي فؤاد رخيص، ومابقولش كدة عشان يرحموني، أنا اقسم بالله لا بقرأ دا ولا دا ومعنديش سوشيال ميديا خالص، وبعد اللي حصل دا كله طلبت من الأولاد اللي ماسكين الفيسبوك بتاعي أنهم يقفلوا كل السوشيال ميديا"

واستكمل بيومي، خلال تصريحاته لبودكاست “شقة التعاون” الذي يقدمه حسام داغر، قائلا: " أنا اكتشفت أن الفيسبوك كان مفتوح من برا، ومعرفش يعني إيه الكلمة دي، فتحوه من برا مصر، واكتشفت لما بعاتبهم إن قولت لهم اقفلوا الصفحات إن في بيوت مفتوحة و4 أو 5 عيال بيجيلهم فلوس شهري، وقولت لهم اعلموا اللي انتم عايزينه بس من فضلكم تابعوا مع المدام اي حد توفى هتبعتوا له، لأن المدام اكتشفت إن “إنا لله وأنا إليه راجعون” بيكتبوها غلط، وأقسم بالله ما معايا تليفوناتهم دلوقتي.. ولا بشوف حاجة ولا بعمل حاجة”.

وتسأل: " الكلام دا أنا قولته قبل كدة، الناس ملهاش غير الظاهر، والظاهر أنا نفسي لو شوفت الفيديو بتاعي دا بقرف ومش عايز أشوفه، بس مبرره إيه؟

وتابع:" أنت اعتذرت في التليفون وإحنا قبلنا من بعد ما كلمتك مرة واتنين وتلاتة وأنت حبيبي وأنا حبيبك، وقولت لك مش عايز حاجة من السعودية، قولت لي لا يا حبيبي، وطلبت منه ترشيح وقالي هات أي حد من مسرح مصر، والناس طلبوا مني الحق الفيديو اللي نزله، فأنا معرفش ومكنتش شوفت فبعتوا لي ولسه بتفرج عليه، ولقيت ناس فنانين بيبعتوا لي الحق، الحق، ليه؟

عشان أنا ولي امره، وبيقولوا لي الحق ومايعرفوش أن أنا كلمته في التليفون ومايعرفوش أن أنا في المسرحية، فكلمته وقولت له أنت اعتذرت واحنا قبلنا الاعتذار يا سلام، بس ارفع الفيديو دا، قال لي لأول مرة هقول لك أسف، قولت له براحتك يابني، وأنا أخر واحد في الدنيا ممكن يتخيل تأثير هذه الحاجات على البني أدمين"