إلهام شرشر تكتب: أين «الفيفا».. أين «اتحاد الكرة»؟؟!!!

لماذا لم نجد اعتراضًا منذ البداية على هذه السياسة التحكيمية التي ملئت عبثًا وقهرًا وظلمًا واضحًا بيّنًا لا لبس فيه؟؟!!!  لماذا لم نتصدى للمؤامرة مبكرًا؟؟!!!... لا فيفا ولا اتحاد كرة ولا حد اعترض رغم أن أولادنا كانوا محاصرين ومقهورين ومضغوطين في ساحة الحرب!!!
أين الفيفا من هذا العبث؟؟! أين اتحاد الكرة من هذا القهر البيّن؟؟!!!  وأين البعثة المصرية من الوقوف والاعتراض على هذا العبث؟؟!!!
يا كابتن حسام يا حسن ليه موقفتش المباراة؟!!!
كنت وقفت اللعب....
النية كانت واضحة
فكنا احنا  اللى أذللناهم وقهرناهم  وشطناهم ده احنا الكسبانين... نوصل لهم إن احنا مش باقيين.
كنا دمرنا الجميع وعلى رأسهم الحكم... مش نخليهم يتمكنوا  مننا !!!!!!!!!
يجردنا من الأجوان والأهداف بتاعتنا ويكتّف اللعيبة بتوعنا  ويفسح الطريق لمجرمي الملاعب الخارجين على القانون  والملة .. وكمان نكمل ؟؟؟!!!!!
كنا لازم نجبر الحكم إنه ينفذ قانون اللعبة!!!
وعلى فرض إن الكابتن حسام حسن وهو داخل الملعب كان مرتبك أو فقد القدرة على التصرف من هول ما يراه، فأين رئيس البعثة؟!!! أين اتحاد الكرة؟!!! أين الجهاز الفني؟!!!
فين الجهاز الفني اللي بيساعد الناس اللي في الملعب؟!!!
كان فين وهو شايف محمد صلاح وبقية اللعيبة محاصرين؟!!!
فين رئيس اتحاد الكورة من المهزلة دي؟!!!
فين الناس اللي بره اللي المفروض هي حلقه وصل مع الناس اللي جوه الملعب؟!!!
قاعدين تتفرجوا ليه؟!!!
ما بتوجهوش ليه؟!!!
ما بتاخدوش قرار ليه؟!!!
ليه مستسلمين؟!!!
ليه ما فيش حد بكى مصر ولعيبة مصر؟!!
كان فين ظهيرهم والحكم بيخترق قوانين اللعبة؟!!!
ليه كنتم مستسلمين واحنا كنا في حالة حرب ولازم ندافع عن حقنا وحق بلادنا؟!!!
قيادة كرة القدم كان لازم تتدخل... كان لازم تاخذ قرار.. وكان لازم يبقى في سرعة بديهة حتى ولو بالتواصل!!!
يا اتحاد الكورة، وياجهازنا الفني كلكم كان لازم تساعدوه... كان مهم تساعدوه ياخد القرار، لان ده كان هيوقفهم عند حدودهم، وأكبر دليل على هذا أننا لما كنا أقوياء رغم المؤامرة في بداية المباراة خضعوا، لكن لما شافونا مستسلمين للظلم والقهر والتحيز، وإجرام الحكم.. نفذوا مؤامرتهم.