أسامة كمال يرد على منتقديه: عرضي لقضية خطف الأطفال لمصلحة البلد وتعاطفا مع الأهالي

استنكر الإعلامي أسامة كمال، الهجوم عليه عبر مواقع التواصل الاحتماعي، بعد مناقشته وعرضه في حلقة أمس الثلاثاء من برنامجه "مساء dmc"، أزمة اختطاف الأطفال.

وقال "كمال" عبر برنامجه "مساء dmc"، اليوم الاربعاء، "الموضوع والهجوم لم يضايقني، ولكني أندهشت من اللي بيقولوا إن الكلام في الموضوع ده يسيء لسمعة البلد وكأن تداول الموضوع بشكل مكثف أو مبالغ فيه على مواقع التواصل مش بيضر بسمعة البلد، لكن مناقشته في التليفزيون هي اللي هتعمل كدة".

وتابع: "مبارح أكدنا أن الموضوع ماوصلش لحد الظاهرة، لكن فيه حاجة محتاجة تحرك كل الجهات، وانتهينا بإننا لازم نرجع دور المجلس القومي للطفولة والأمومة ولابد من تحرك أفضل من الداخلية وأهمية أنه يبقى عندنا متخصصين يبحثوا في الظاهرة".

وأكمل: "كلامنا كلام عقلاء عايزين مصلحة البلد وعايزين يلحقوا البلد قبل ما الموضوع يتفشي وينبه الأهالي أنهم يخللوا بالهم من عيالهم، فالرد بتاع بتشوهوا البلد جاي من ناس مالهاش في الطور ولا الطحين لأن لو عيل يعرفوه كان حصل له كدة زي ما شفنا وسمعنا من بعض الأهالي كان زمانهم بيسبوا الاعلام".