بالفيديو: «كاظم الساهر» يشارك «فريد الأطرش» في أغنية «جميل جمال»

جميل جمال، مالوش مثال
ولا في الخيال، صدق اللي قال
زي الغزال.. جميــل جمـال
ليه الدنيا جميلة وحلوة وانت معايا، وانت معايا
ليه تخلي القلب بنشوة وانسى أسأي وانت أسـاي
تسألني ليه.. معرفش
والسرِّ إيه.. مفهمش
---
عطف وحنان، من الزمان، ولاَّ عشان
جميل جمال .. جميل جمال
ليه لمَّا بشوفك بعْينَيَّ روحي تغنِّ.. روحي تغني
وتْغنـي الأيام حواليِّ وتطمنِّي، وتطمني
نظرةْ عينيك.. تسحرني
والشـوق إليك.. حيَّرني
عطف وحنان.. من الزمان
ولاَّ عشان.. جميل جمال.. جميل جمال
---
ليه كل الأزهار بتحبك، والطيـر والناس
علشان الرقة اللي فقلبك، ولاَّ الإحسـاس
ولاَّ القوام.. والخفَّة، والإبتسام عالشفَّة
عطف وحنان.. من الزمان
ولاَّ عشان.. جميل جمـال