مي كساب ترد على شائعة إنفصالها عن أوكا

ردت المطربة مى كساب على شائعات انفصالها عن المطرب أوكا، بعد طرحها أغنية "سنجل في عيد الحب"، بمناسبة عيد الفلانتين، عبر قناتها على موقع يوتيوب، من كلمات علي ومزاج ألحان وتوزيع أوكا.

مى كساب ردت على تغريدة لموضوع إحدى المواقع، التى تساءلت حول انفصالها عن أوكا، قائلة: "إيه النباهة دي ما شاء الله التويتة اللى كاتباها معناها كدة ده إيه الذكاء الخارق ده، وأغنية سينجل اللى هيه كلام ولحن جوزي معناها كدة، ربنا يشفيكم".

وردت المطربة مى كساب على أحد متابعيها الذى علق عن انفعالها من خلال ردها، قائلة: "مع احترامي لرأيك طبعا بس أنا في الآخر إنسانة من لحم ودم بانفعل وبزعل وعندى أهل بيزعلو عشاني ومش هتقدر طول الوقت اتحكم في انفعالاتي عشان فنانة وبرضه أرجع أقولك ذكاء ونباهة تفاصيل الخبر تستحق الرد ده أنا ماغلطتش ولا تطاولت رد استهزاء منى على حجم الخبر".