عايدة رياض: محمد رمضان معندوش تاريخ وشاركت معه في ”الألماني” من غير فلوس

أكدت الفنانة عايدة رياض، أن النجم محمد رمضان لا يمتلك التاريخ الفني الذي يجعلها تقارنه بنجوم الفن الجميل أمثال فاتن حمامة وسعاد حسني، قائلة: "مش بجامل محمد رمضان عشان اشبهه بفاتن حمام وهما طلع عليهم القاب بالفعل لكن محمد رمضان معندوش تاريخ، وأنا مش محتاجة أي حد عشان يشغلني".

وأوضحت الفنانة عايدة رياض، في لقاء ببرنامج "شيخ الحارة والجريئة" مع المخرجة ايناس الدغيدي، على قناة القاهرة والناس، أنها تؤدي ادوارها ببراعة مما يجعل النجوم والمخرجين يتهافتون على مشاركتها في أعمالهم، مشيرة إلى أنها أول من شارك هي والنجم أحمد بدير مع محمد رمضان في فيلم الألماني ولم يكن معروف وقتها ولكن دعمته كشاب جديد.

وتابعت: "أنا عملت مع محمد رمضان الاسطورة والالماني، وفي الالماني مكنش معروف خالص وانا وبدير اللي كان معروفين وهو ربنا فتح عليه وعلى المطربة بوسي بعدها، ومخدناش في الفيلم ده أي فلوس خالص كان مجاملة للشباب عشان كان ساعة الثورة".