”سيدة التروسيكل عن الرئيس السيسي: ”أب لكل المصريين

كشفت السيدة ناهد جمال سعيد، سائقة التروسيكل، تفاصيل استجابت الرئيس عبد الفتاح السيسي بعد مناشدتها بمساعدتها لأن لديها 5 بنات، وتعمل سائقة على تروسيكل من أجل توفير عيشة كريمة لهم.

وقالت " ناهد جمال سعيد "، في تصريح خاص " للبوابة نيوز "، مساء اليوم الاثنين، أنا مش مصدقة نفسي وحاسة اني بحلم ومش مصدقة من فرحتي ان ربنا حققلي حلمي.. واصفة الرئيس عبد الفتاح السيسي بأنة "أب لكل المصريين وربنا يخلي الرئيس لينا ويحفظة ويظلل علينا كمان وكمان ".

واعربت عن سعادتها البالغة في استجابة الرئيس لمطالبها قائلة " انا حاسة ان النهاردة بالنسبالي عيد ومش مصدقة نفسي وبشكر كل الناس اللي ساعدتني علشان صوتي يوصل وحلمي يتحقق.

ووصفت " سيدة التروسيكل "، بعد استجابتة الرئيس لمطالبها قائلة "، اليوم دا اجمل عيد في حياتي والرئيس يشعر بكل الناس وحلمي اتحقق بفضل الله علشان انا تعبت في حياتي.

واستجاب الرئيس عبد الفتاح السيسي، لحالة السيدة ناهد جمال سعيد، سائقة التروسيكل، بعد مناشدتها بمساعدتها لأن لديها 5 بنات، وتعمل سائقة على تروسيكل من أجل توفير عيشة كريمة لهم.

وقال الرئيس في مداخلة هاتفية لبرنامج "من مصر" الذى تقدمه الإعلامية ريهام إبراهيم والإعلامي عمرو خليل، عبر قناة CBC: "أنا بأبلغ تحياتى واعتزازى وكمان ألمى الشديد إن يبقى فيه 5 بنات وهى بتجرى عليهم كده وإحنا بنتفرج".

ووجه الرئيس السيسي حديثه لسائقة التروسيكل، قائلا: "ربنا يديكي الصحة.. هندبر كل اللى عايزاه وهي تستحق كل خير.. وكل ست بتعمل كده تاج على رأسنا وتشرفنا.. والسيدة دى ست بـ100 رجل وبقول لكل مسئول في مصر من فضلكم خلوا بالكم من أهلكم وناسكم الست عرض وإحنا مسئولين عنها في الظروف اللى زى دى".