الفنانة شيرين: الجواز مثل ثمرة البطيخ.. ورفضت 5 أدوار احترامًا لنفسي

ترى الفنانة شيرين الجواز مثل ثمرة "البطيخ" حلوة أو غير ذلك.

وقالت شيرين، خلال حوارها ببرنامج "كلام الناس" على قناة "Mbc مصر": "الجواز زي البطيخة ولازم يكون فيه توافق بين أي اتنين قبل ما يتجوزوا والفن والجواز مبيتجمعوش إلا فيما ندر.. وأنا معنديش عقدة من الرجالة ومتجوزتش تاني عشان مجبش حد غريب لبنتي تقوله يا بابا".

وتابعت شيرين: "جوزي كان بيتخض ووشه بيصفر لما يلاقيني مش بغير عليه".

وأعلنت شيرين رفضها لـ5 أعمال فينة الصيف الماضي، قائلة: "لو انا محترمتش نفسي مش هلاقي اللي يحترمني ورفضت أحد الاعمال لأن الطريقة في التعامل معي كانت لا تليق بي كنجمة، ومفيش حاجة اسمها دور صغير ودور كبير لكن فيه حاجة اسمها دور حلو ووحش".

ولا تمانع شيرين الظهور كضيفة شرف في أحد الأعمال أو أنها من الوارد أن تجسد دور بدون مقابل في حالة إعجابها به، قائلة: "كنت سعيدة بظهوري في 4 مشاهد فقط في فيلم تامر حسني (مش أنا) وأقول له أنت دايما ناجح عشان بتهتم بكل التفاصيل".

وعن الزعيم عادل إمام، قالت شيرين: "الناس بتشوفني بتسئلني على عادل إمام أكني عايشة معاه ودا شىء بيفرحني جدا وأنا بوعد الجميع كل ما أكلمه هطلع أطمن الناس على حالته الصحية".

صورة

وقدمت شيرين الشكر للرئيس عبد الفتاح السيسي لاهتمامه بالفنانين ورعايته لهم كما تمنت الشفاء العاجل للفنان سمير صبري.