شادي محمد: ”خالد الغندور لم يراعي العيش والملح وقعدت في بيتي سنتين مدخلش جيبي جنيه”

أكد الكابتن شادي محمد، لاعب النادي الأهلي السابق، حزنه من الاعلامي خالد الغندور بسبب انتقاده بطريقة لا تليق في برنامجه، قائلا: "زعلان من خالد الغندور ولم يراعي العيش والملح وفى حلقات عيب تحصل معايا واحنا كنا قربنا من بعض في وقت".

ووجه شادي محمد، كلامه لخالد الغندور خلال حواره ببرنامج "ضرب نار"، مع الاعلامية داليا فؤاد، على قناة القاهرة والناس، "مينفعش يتغلط فيا في الحلقات وأنت قاعد بتضحك وأنا رعيت العيش والملح وعملت نفسي مش واخد بالي ومش برد لأن الصمت لغة العظماء"، مؤكدا أن السكوت يوجع أكثر وجمهور الاهلي في ظهره.

وتابع: "2018 اسوأ سنة في حياتي وشوفت فيها دروس في حياتي واكتشفت الناس اكثر وبعض المشاكل اللي خلتني اعيد حساباتي في كل حاجة، ومدخلش جيبي جنيه في السنة دي ولكن وقفت بقوة أني ارجع من تاني بنفسي".
https://www.youtube.com/watch?v=S723couQk5s&ab_channel=%D8%A7%D9%84%D9%82%D8%A7%D9%87%D8%B1%D8%A9%D9%88%D8%A7%D9%84%D9%86%D8%A7%D8%B3