إسلام عبدالسميع: نفذنا مدينه بالكامل في مسلسل جزيرة غمام

قال إسلام عبدالسميع، أحد أشهر مديري التصوير السينمائي، إنه دائما ما يسعي إلى تقديم أعمال فنية مختلفة وغير مكرره أو متشابهة، حيث أنه قد عمل بأنواع مختلفة من الأعمال الفنية كالأعمال الكوميدية والأكشن والدراما، «الحجات اللي بعملها بعيدة عن بعضها بتفتحلي أفكار جديدة للتشكيل».

وأضاف «عبدالسميع»، خلال استضافته ببرنامج «في المساء مع قصواء»، وتقدمه الإعلامية قصواء الخلالي، والمذاع على فضائية «CBC»، أن اختياره للأعمال الفنية أو الدرامية دائما ما يتم بناءً على ما سيستطيع تقديمه فيه، ولا يلفت نظره بشكل كبير المقابل المادي الذي سيتقاضاه جراء عمله، «دايما مش بتكون الماديات نقطة البداية».

واستطرد: «المهنة شاقة ومش سهلة، وأنا بعمل شغلي بمنتهي البساطة، وبحرك الفنيين اللي بيشتغلوا معايا وعددهم بيزيد عن 40 فرد بمعدات تقيله بمنتهي البساطة، وبكون مستمتع جدا باللي بشتغل بيه حتى لو كان شاق جدا بظروف حر أو برد، وبشتغل في ظروف قاسية لكن مبحسش أني متضرر وبكون مستمتع باللي بنفذه وبتخرج الحجات بالشكل اللي وصلتلها وببساطة».

وأوضح أنه دائما ما يلتزم بالبساطة أو السلاسة في التنفيذ بالرغم من أن مشاهد العمل يري بأن ما جرى تنفيذه هو شبه مستحيل، «نفذنا مدينة بالكامل في مسلسل جزيرة غمام وعملت إضاءة كاملة ليها وحركنا عدد مجاميع كبرى علشان ناخد 10 ثواني هيتعرضوا على الشاشة، وعناصر تكوين الصورة هي كل شئ من أول اللبس وعناصر الديكور والأكسسوار ولون الحيطان، والتحضير من أهم العناصر المساعدة في تحقيق النتيجة النهائية».

وتابع: «مفيش حد هيعمل مسلسل أو فيلم لوحده، ودايما بحتاج أسمع الأراء وافهم من طاقم العمل، ولما بيحصل حالة من الإنسجام بين صناع العمل مش بيكون فيه تعارض وبنصل لنتيجه مرضيه لنا جميعا».